San Mateo 26:52 - Q'eqchi Bible

⁵² Toja' naq kiyehe'k re xb'aan li Jesus: —K'e wi' chik laach'iich' sa' xna'aj, xb'aan naq chixjunileb' li te'xchap xch'iich', chi ch'iich' ajwi' te'oso'q.

Li Santil hu

⁵² Tojoꞌnak quiyeheꞌ re xban li Jesús: —Qꞌue la̱ chꞌi̱chꞌ saꞌ lix naꞌaj xban nak chixjunileb li nequeꞌpletic riqꞌuin chꞌi̱chꞌ, riqꞌuin chꞌi̱chꞌ ajcuiꞌ teꞌosokꞌ.

San Mateo 26:52 ပူးပေါင်းရင်းမြစ်များ

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Génesis 9:6

“Li tixkamsi junaq winq, taakamsiiq ajwi' a'an xb'aan jalan chik, xb'aan naq jo' xjalam u li Yos naq kiyoob'tesiik li winq.

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Apocalipsis 16:6

xb'aan naq eb' a'an xe'xhoy xkik'eleb' li sant jo'wi' li xkik'eleb' li propeet, ut laa'at xak'e li kik' chi ruk'eb': jo'kan naq xe'xk'ul tz'aqal xq'ajkamunkileb'”.

Salmos 55:23

Chaq'axtesi sa' ruq' li Qaawa' li k'a'ux wi' laach'ool, ut a'an taakuutunq aawe; maajoq'e tixkanab' li tiik xch'ool chi oso'k chi junajwa.

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

San Mateo 5:39

A'ut laa'in ninye eere: meesume li ink'a' us xch'ool; ut wi ani tixtz'aj chi ruq' laako, chak'e ajwi' chixsak' li junpak'al.

Éxodo 21:12

“Li tixsak' ras riitz'in ut a'in taakamq, tento naq taakamsiiq;