San Mateo 22:4 - Q'eqchi Bible

⁴ Toj kixtaqlaheb' jalan chik li xmoos: «Yehomaq reheb' li wula': Ak k'uub'k'u lintzekemq; eb' linwakax ut eb' linch'oolaninb'il xul ak xe'kamsiik. Ak kawresinb'il chixjunil. Kimqex chi xninq'ehinkil li sumlaak!».

Li Santil hu

⁴ Quixtakla cuiꞌchic jalaneb chic lix mo̱s ut quixye reheb: “Yehomak reheb li ac bokbileb, ‘Ac cꞌu̱bcꞌu li tzacae̱mk, ac xeꞌcamsiman eb li cuacax ut chixjunil li xul li ni̱nk xtibeleb. Ac cauresinbil chixjunil. Cha̱lkex saꞌ li sumla̱c,’ chaꞌakex reheb.”

San Mateo 22:4 ပူးပေါင်းရင်းမြစ်များ

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Mateo 21:36

Kixtaqla wi' chik junch'oleb' li xmoos, naab'aleb' chik chiruheb' li ke'taqlaak xb'enwa; ut jo'kan ajwi' ke'xb'aanu reheb'.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Lucas 14:17

Sa' xhonalil li wa'ak kixtaqla li xmoos chi xyeeb'al reheb' li b'oqb'ileb': «Chalqex, ak kawresinb'il chixjunil».

San Mateo 22:8

Toja' naq kixye reheb' li xmoos: «Ak k'uub'k'u li ninq'e, ab'an eb' li wula' moko xk'ulub'eb' ta chalk.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Proverbios 15:17

Q'axal us li tiwok ichaj rik'in sahil ch'oolej chiru xtzekankil xtib'el wakax rik'in xik'il uuchink.

San Mateo 22:5

A'ut eb' a'an ink'a' ke'raj rab'inkil ut koheb': wan koho sa' xk'al, wan koho chi yakok;