San Mateo 22:3 - Q'eqchi Bible

³ Kixtaqlaheb' li xmoos chi xb'oqb'aleb' li rula', a'ut eb' a'an ink'a' ke'raj chalk.

Li Santil hu

³ Quixtaklaheb lix mo̱s chixcꞌambaleb chak li ac bokbileb. Aꞌut eb aꞌan incꞌaꞌ queꞌraj cha̱lc.

San Mateo 22:3 ပူးပေါင်းရင်းမြစ်များ

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

Romanos 10:21

Ut chirixeb' laj Israel naxye: “Chixjunil li kutan ye'yo li wuq' chi xb'oqb'al jun tenamit b'ach'b'ach' ut aj q'etol aatin”.

San Juan 5:40

a'ut laa'ex ink'a' nekeraj chalk wik'in re taawanq eeyu'am.

Hechos 13:45

Ab'an, naq ke'ril li k'iila tenamit, eb' laj Judiiy k'ajo' naq kikaqo'k xch'ooleb'; ke'ok chi xwech'inkil rix ut chi xmajewankil jo'nimal naxye laj Pablo.

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

San Lucas 15:28

“Kichalk ut xjosq'il li asb'ej ut ink'a' kiraj ok. Ki'elk chaq li xyuwa' ut kixtikib' relajinkil ru.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

Sofonías 1:7

Mexchoqink chiru li Qaawa' xb'aan naq nach' chik wank li xkutankil li Qaawa'. Li Yos xkawresi jun mayejak ut ak xrosob'tesiheb' li rula'.

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Oseas 11:2

A'ut naq q'axal kinra, jwal kixnajtob'resi chik rib' wik'in: lintenamit neke'mayejak chiruheb' laj Bahal ut neke'xk'at xpom chiruheb' li jalanil yos.

Jeremías 35:15

Xink'e inch'ool chi xtaqlankil chaq eerik'in eb' linpropeet, laj k'anjeleb' chiwu, re xyeeb'al eere: Kanab'omaq li jo'maajo'il wank, chaab'ilob'resiiq leeyu'am ut meeloq'oni chik ru eb' li jalanil yos chi moko texk'anjelaq chiruheb'. Chi jo'kan wanqex sa' li na'ajej a'in ink'ehom eere laa'ex ut reheb' ajwi' leexe'toonil yuwa'. Ab'anan ink'a' xineepaab' chi moko xeraj wab'inkil.

Jeremías 25:4

Li Qaawa' ajwi' k'iila wa kixtaqla chaq eb' li xpropeet eerik'in, ab'an laa'ex ink'a' kex'abink chiruheb' chi moko kepaab'eb':

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Salmos 68:11

Chi jo'kan eb' laawalal xe'xtaw xna'ajeb', at qaYos, sa' li ch'och' kawresinb'il xb'aan laawusilal cho'q reheb' li neb'a' ut li ra wankeb'.

1 Samuel 9:13

Ka'ajwi' tex'ok sa' li tenamit, teetaw aran naq xik xikaq re taqe'q chi tzekank. Eb' li tenamit ink'a' te'wa'aq toj reetal taawulaq a'an, xb'aan naq a'an na'osob'tesink re li mayej. Tojo' naq te'wa'aq li b'oqb'ileb'. Taqenqex anaqwan ut teetaw chi junpaat”.

Hebreos 12:25

K'ehomaq reetal, meetz'eqtaana li yo chi aatinak qik'in, xb'aan naq wi ink'a' ke'kole'k li ke'xtz'eqtaana laj ch'olob'ahom yaal arin sa' ruuchich'och', ma toja' ta chik laa'o wi taaqatz'eqtaana li na'aatinak chaq toj sa' choxa?

San Mateo 21:34

Naq kiwulak xq'ehil xchoqb'al li uub', kixtaqlaheb' li xmoos rik'ineb' laj k'alom re naq tixk'ul ru li rawimq.

San Mateo 9:15

Kixye li Jesus reheb': —Ma truuq tab'i' te'wanq chi raheb' sa' xch'ool li b'oqb'ileb' rik'in sumlaak wi toj wank li b'eelomej rik'ineb'? Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq.

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.