San Mateo 2:4 - Q'eqchi Bible

⁴ Toja' naq laj Herodes kixch'utub' chixjunileb' li xb'eenil aj tij ut eb' laj tz'iib' re li tenamit, ut kixpatz'i reheb' b'ar taayo'laaq li Kriist.

Li Santil hu

⁴ Ut laj Herodes quixchꞌutubeb chixjunil li xbe̱nil aj tij joꞌ eb ajcuiꞌ laj tzꞌi̱b saꞌ li tenamit ut quixpatzꞌ reheb bar ta̱yoꞌla̱k li Cristo.

San Mateo 2:4 ပူးပေါင်းရင်းမြစ်များ

Hechos 23:9

Chixjunileb' kaw ke'ok chi xjapb'al reheb'. Wankeb' aj tz'iib' xkomoneb' laj Pariseey ke'xaqliik ut ke'ok chi wech'ink: —Laa'o maajun maak naqataw chirix li winq a'in. Mare anchal musiq'ej malaj ánjel x'aatinak rik'in, chankeb'.

Hechos 6:12

Chi jo'kan ke'xpoqoqi li tenamit, eb' li cheekel winq ut eb' laj tz'iib'; ke'xkut rib' sa' xb'een, ke'xchap ut ke'xk'am sa' li raqleb'aal aatin.

San Mateo 21:23

Kiwulak li Jesus sa' rochoch li Yos. Ut naq yo chi xtzolb'aleb' li tenamit, ke'wulak li xb'eenileb' aj tij ut eb' li xcheekel winqilaleb' li tenamit, ut ke'xye re: —K'aru aawankil naq nakab'aanu a'in? Ani xk'ehok aawe li wankilal a'in?

San Mateo 7:29

xb'aan naq naxtzoleb' chi wank xwankil, ut ink'a' jo'eb' laj tz'iib'.

Hechos 4:5

Sa' li kutan jun chik ke'xch'utub' rib' aran Jerusalén li xb'eenileb' li tenamit, eb' li cheekel winq ut eb' laj tz'iib',

San Juan 18:3

Kiwulak laj Judas aran rochb'eeneb' jun teepeb' aj puub' ut rochb'eeneb' laj k'aak'alenel taqlanb'ileb' chaq xb'aaneb' li xb'eenil aj tij ut xb'aaneb' laj Pariseey. Wankatqeb' chaq xxam sa' ruq'eb' ut sa' ru'ujatq che', ut wankeb' ajwi' xch'iich'eb'.

San Juan 8:3

Toja' naq eb' laj tz'iib' ut eb' laj pariseey ke'xk'am rik'in li Jesus jun li ixq kitawmank chaq chi xmuxb'al li xsumlajik; ke'xxaqab' sa' yiib'ej

San Juan 7:32

Eb' laj Pariseey ke'rab'i naq eb' li tenamit neke'xyehatq a'in chirix li Jesus; jo'kan naq ke'xtaqla eb' li xtaql chi xchapb'al.

San Juan 3:10

Kisumeek xb'aan li Jesus: —Laa'at aj tzolol reheb' laj Israel: ma ink'a' nakanaw a'in?

San Lucas 23:10

Wankeb' aran li xb'eenil aj tij ut eb' laj tz'iib', kaw yookeb' chi xjitb'al.

San Lucas 20:19

Sa' ajwi' li honal a'an eb' laj tz'iib' ut eb' li xb'eenil aj tij ke'xsik' chan raj ru naq te'xchap li Jesus, xb'aan naq ke'xtaw ru naq cho'q reheb' kixye li jaljookil ru aatin a'in; ab'anan ke'xiwak chiruheb' li tenamit.

Jeremías 8:8

Chanru naq nekeye laa'ex: Wank qana'leb' ut qik'in wank li xchaq'rab' li Qaawa'? Ma ink'a' tab'i' xe'xjal ru linchaq'rab' eb' laj tz'iib' li junes b'alaq'il aatin neke'xye?

San Marcos 8:31

Li Jesus kixtikib' xtzolb'aleb' naq li K'ajolb'ej tento tixk'ul naab'al rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib', taakamsiiq ut taawakliiq chi yo'yo sa' rox li kutan.

San Mateo 27:1

Naq kisaqewk, ke'xch'utub' rib' chixjunileb' li xb'eenil aj tij ut eb' li xcheekel winqilaleb' li tenamit chi xk'uub'ankil chan raj ru naq te'xkamsi li Jesus.

San Mateo 26:47

Toj yo ajwi' chi aatinak li Jesus, naq kiwulak laj Judas, jun reheb' li Kab'laju. Naab'aleb' li rochb'een, wankatqeb' xch'iich' ut xche', taqlanb'ileb' chaq xb'aaneb' li xb'eenil aj tij ut eb' li xcheekel winqilaleb' li tenamit.

San Mateo 26:3

Toja' naq eb' li xb'eenil aj tij ut eb' li xcheekel winqilaleb' li tenamit ke'xch'utub' rib' sa' rochoch li xyuwa'il aj tij, aj Kaifás xk'ab'a',

San Mateo 21:15

Eb' li xb'eenil aj tij jo'wi' eb' laj tz'iib' naq ke'ril eb' li sachb'ach'oolej kixb'aanu ut ke'rab'i li kok'al japjookeb' re chi xyeeb'al sa' rochoch li Yos: “Chinimaaq xloq'al li Ralal laj David!”, ke'po'k xch'ool

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

Nehemías 12:7

laj Salú, laj Amok, laj Jilkías ut laj Adaías. A'aneb' a'in li xjolomileb' laj tij ut li rech'alaleb' naq kiwank chi k'amol b'ehil laj Josué.

Esdras 10:5

Toja' naq kixaqliik laj Esdras ut kixk'eheb' li xjolomileb' laj tij, eb' laj Leví ut chixjunileb' laj Israel chi xyeeb'al raatineb' rik'in jurament naq te'xb'aanu jo' chanru xyeemank. Ut eb' a'an ke'xye jurament.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

2 Crónicas 36:14

Jo'kaneb' ajwi' chixjunileb' li xyuwa'ileb' laj tij ut eb' li poyanam: numtajenaq li maa'usilal ke'xb'aanu, jo' chanru k'aynaqeb' xb'aanunkil eb' li jalanil tenamit, ut ke'xmux li rochoch li Yos, li ak q'axtesinb'il chi xloq'oninkil ru li Qaawa' aran Jerusalén.

2 Crónicas 34:15

Tikto laj Jilkías kixye re laj Safán laj tz'iib': “Xintaw xHuhil li Chaq'rab' sa' rochoch li Qaawa'”, chan. Ut kixq'axtesi li hu re laj Safán.

2 Crónicas 34:13

A'aneb' ajwi' ke'jolomink reheb' laj iiqanel ut chixjunileb' laj k'anjel, a' yaal chanru xk'anjel li junjunq. Sa' xyanqeb' laj Leví wankeb' ajwi' aj tz'iib', aj nawoleb' chaq'rab' ut wankeb' ajwi' li neke'k'aak'alenk re li okeb'aal.

San Mateo 2:3

Naq kirab'i a'in li awab'ej Herodes, ki'ok xk'a'uxl; jo'kaneb' ajwi' chixjunileb' laj Jerusalén.

San Mateo 2:5

Ut eb' a'an ke'xye re: —Aran Belén, sa' xteepal Judea, xb'aan naq jo'kan tz'iib'anb'il chaq xb'aan li propeet: