San Mateo 2:12 - Q'eqchi Bible

¹² Chirix a'an kik'utb'esiik chiruheb' sa' xmatk'eb' naq ink'a' te'sutq'iiq rik'in laj Herodes; jo'kan naq ke'q'ajk sa' xtenamiteb' ut jalan chik b'e ke'xk'am.

Li Santil hu

¹² Ut queꞌcꞌutbesi̱c chiruheb xban li Dios saꞌ xmatqꞌueb nak incꞌaꞌ chic teꞌsukꞌi̱k riqꞌuin laj Herodes. Saꞌ jalan chic be queꞌxcꞌam nak queꞌsukꞌi saꞌ xtenamiteb.

San Mateo 2:12 ပူးပေါင်းရင်းမြစ်များ

San Mateo 2:22

Ab'an naq kirab'i naq laj Arkelao wank chi awab'ejil Judea cho'q reeqaj laj Herodes li xyuwa', kixiwak chi xik aran. Ut naq kik'utb'esiik chiru sa' xmatk', koho sa' xteepal Galilea.

San Mateo 2:19

Naq kikamk laj Herodes, li x'ánjel li Qaawa' kixk'ut rib' chiru laj José sa' xmatk' aran Ejiipt

San Mateo 2:13

Tojo'aq relikeb' laj q'e naq li x'angel li Qaawa' kixk'ut rib' chiru laj José sa' xmatk' ut kixye re: “Waklin, k'am li k'uula'al rochb'een li xna', elelin ut ayu Ejiipt. Aran wanqat chaq toj laa'in toxinyehoq chaq aawe, xb'aan naq laj Herodes ok re xsik'b'al li k'uula'al re xkamsinkil”.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Éxodo 1:17

Ab'an eb' laj xokol k'uula'al neke'xxiwa ru li Yos ut ink'a' ke'xb'aanu li ke'taqlaak wi' xb'aan li awab'ej re Ejiipt, ke'xkanab' b'an chi yo'yo eb' li kok' teelom.

Génesis 31:24

Ab'anan chiru li q'oqyink a'an li Yos kixk'utb'esi rib' chiru laj Labán sa' xmatk' ut kixye re: “K'e reetal, mat-aatinak sa' josq'il rik'in laj Jakob”.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Daniel 2:19

Ut chiru ajwi' li q'oqyink a'an li Qaawa' kixk'utb'esi chiru laj Daniel li xyaalalil li matk', ut laj Daniel kiyoxink chiru li xYos li choxa,

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

San Lucas 2:26

Ak yeeb'il chaq re xb'aan li Santil Musiq'ej naq ink'a' taakamq chi maji'aq taaril ru li xKriist li Qaawa'.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

Hebreos 8:5

Eb' a'in yookeb' chi k'anjelak chiru li yal xmu ut xjalam u li k'aru wank sa' choxa, jo' kik'utb'esiik chaq chiru laj Moisés naq kixtikib' xyiib'ankil li loq'laj Muheb'aal: “K'e reetal -chan li Yos-, chab'aanu chixjunil jo' tz'aqal xk'utb'esiik chaq chawu sa' li tzuul”.