San Mateo 2:11 - Q'eqchi Bible

¹¹ Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.

Li Santil hu

¹¹ Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

San Mateo 2:11 ပူးပေါင်းရင်းမြစ်များ

Isaías 60:6

K'iila kameey te'chalje'q chaq sa'eb' li tenamit Madián ut Efá; chixjunileb' te'chalq chaq sa' xteepal Sabá ut te'xk'am chaq naab'al li oor ut k'ajpom, yooqeb' chi xpuktesinkil resil li xwankilal li Qaawa'.

Salmos 72:10

Eb' li awab'ej re Tarsis ut li wankeb' sa' xyi li palaw che'xk'ameb' chaq xsimaatan. Eb' li awab'ej re Sabá ut Sebá che'xk'e xtojeb'.

San Lucas 2:16

Ut ke'seeb'ank chi xik, koxe'xtaw lix María, laj José ut li k'uula'al sotso sa' xwa'leb'aaleb' ketomq.

San Mateo 2:2

ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

Salmos 95:6

Okanqex, chooloq'oninq, junb'uchlikaqo, qawiq'ib'aq qib' chiru li Qaawa': a'an laj winqob'resihom qe!

Salmos 72:15

Jo' najtil yo'yooq li awab'ej, chik'ehe'q re li oor nachalk Sabá; ink'a' chich'anab'aaq tijok chirix, ut usilaatinanb'ilaq li xk'ab'a' chixjunil li kutan.

1 Reyes 10:2

Kiwulak Jerusalén rik'in k'iila kameey li ke'k'amok chaq sununkil b'an, oor chi yo'oon ut xchaq'alil ru pek. Naq kiwulak rik'in laj Salomón, kixye re chixjunil li patz'om kixk'oxla.

Números 7:14

Kixmayeja ajwi' jun lekleb' yiib'anb'il rik'in oor aj lajeeb' xwaqk'aal chi tumin, nujenaq chi ensens;

Apocalipsis 19:10

Toja' naq kint'ane'k rub'el roq li ánjel chi xloq'oninkil ru, ut a'an kixye we: “Maab'aanu a'in! Laa'in aawech moosil; wech moosileb' ajwi' eb' laawas aawiitz'in li neke'xk'uula sa' xch'ooleb' li xch'olob'ahom li Jesus. A' li Yos tento taaloq'on ru”, chan we. Xb'aan naq eb' li propeet a'aneb' li neke'xk'uula sa' xch'ooleb' li xch'olob'ahom li Jesus.

San Mateo 14:33

Eb' li wankeb' sa' li jukub' ke'xwiq'ib' rib' chi xloq'oninkil ut ke'xye: —Relik chi yaal naq Ralalat li Yos.

Apocalipsis 5:8

Ut naq kixchap li hu, eb' li kaahib' chi yo'yookeb' ut li kaahib' xka'k'aal chi cheekel winq ke't'ane'k rub'el roq li Karneer, wankatqeb' x'aarp chixjunqaleb' jo' ajwi' xsek'eb' oor nujenaqeb' chi sununkil b'an, a'aneb' li xtij eb' li sant;

San Lucas 2:38

Sa' ajwi' li honal a'an kiwulak aran ut ki'ok chi xnimankil ru li Yos ut chi aatinak chirix li k'uula'al rik'in chixjunileb' li yookeb' chi royb'eninkil li xkolb'al li tenamit Jerusalén.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

Números 7:86

Eb' li lekleb' yiib'anb'il rik'in oor a'an kab'laju, nujenaqeb' chi ensens, aj lajeetq chi tumin, jo' chan ru tz'aq xtumin li artal. Chixjunil a'an: waqk'aal (120) chi tumin.

Levítico 6:15

Jun reheb' a'an tixchap jun mooch'aq li chaab'il k'aj li ak k'eeb'il cho'q mayej. Tixk'e ajwi' li aseeyt ut chixjunil li pom li na'ok rik'in li mayej, ut tixk'e chi k'atk sa' xb'een li artal cho'q sahil mayej li sununk xb'ook chiru li Qaawa'.

Éxodo 30:34

Kixye li Qaawa' re laj Moisés: “Taasik' li sununkil b'an: estakte, ónice, gálbano ut tz'aqal ensens; juntaq'eet rik'in li junjunq taak'e.

Génesis 43:11

Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Salmos 45:8

Nakara li us ut nakatz'eqtaana li maa'usilal. Jo'kan naq li Qaawa' laaYos xatxxaqab' ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' laawech awab'ejil.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

1 Reyes 10:10

Chirix chik a'an li xna'eb' li tenamit Sabá kixsi waqk'aal (120) chi tumin junes oor; kixsi ajwi' k'iila sununkil b'an ut xchaq'alil ru pek. Maajun sut kisiimank naab'al xsununkil b'an laj Salomón jo' xk'ihal kixsi li xna'eb' li tenamit Sabá.

Éxodo 30:23

“Taasik' sununkil b'an: waqlaju liib'r chi tz'aqal miir, waqib' liib'r chi kaneel, waqib' liib'r chi sununkil utz'aal,

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

San Mateo 1:18

Li xyo'lajik li Jesus, li Kriist, jo'ka'in naq kiwank: ak tz'aamanb'il lix María, li xna' li Jesus, xb'aan laj José ut toj maji'aq naq'axonk rik'in, kikanaak sa' yu'am xb'aan li Santil Musiq'ej.

San Mateo 2:10

Naq ke'ril li chahim, k'ajo' naq ke'saho'k sa' xch'ool!

San Mateo 12:46

Naq toj yo chi aatinak li Jesus rik'ineb' li tenamit, li xna' rochb'eeneb' li riitz'in wankeb' chirix kab'l, te'raj raj raatinankil.

San Juan 19:39

Koho ajwi' laj Nikodemo, a' li kiwulak chi q'eq rik'in li Jesus sa' xtiklajik; ut kixk'am oxib' aroow tana li miir yuub'il rik'in álohe.