San Mateo 18:9 - Q'eqchi Bible

⁹ Ut wi xsa' laawu nak'ehok aawe chi maakob'k, isi ut tz'eq: us cho'q aawe naq tat-ok sa' li yu'am chi junaq xsa' laawu chiru naq tatkute'q sa' li xxamlel li xb'alb'a chi wanq xkab'ichal xsa' laawu.

Li Santil hu

⁹ Cui li xnakꞌ a̱cuu ta̱qꞌuehok a̱cue chixba̱nunquil li incꞌaꞌ us, us raj cui ta̱cuisi ut ta̱tzꞌek. Kꞌaxal us nak ta̱cua̱nk la̱ yuꞌam chi junelic riqꞌuin jun ajcuiꞌ li xnakꞌ a̱cuu chiru nak tatxic riqꞌuin cuib li xnakꞌ a̱cuu saꞌ li xam re li xbalba.

San Mateo 18:9 ပူးပေါင်းရင်းမြစ်များ

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Mateo 18:8

“Wi laawuq' malaj laawoq nak'ehok aawe chi maakob'k, yok' ut tz'eq: us cho'q aawe naq tat-ok sa' li yu'am chi ch'otol laawuq' malaj laawoq chiru naq tatkute'q sa' li xam li ink'a' nachupk chi wanq xkab'ichal laawuq' malaj laawoq.

San Mateo 5:29

“Ut wi xsa' laawu li wank sa' laanim nak'ehok aawe chi maakob'k, isi ut tz'eq; jwal us cho'q aawe naq taasachq junaq laacha'al chiru naq laajunxaqalil taakutmanq sa' xb'alb'a.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Hebreos 4:11

Qayalaq b'i' qaq'e re naq too'ok sa' li hilob'aal a'in re naq maa'ani chit'ane'q sa' li q'etb'a aatin a'an.

San Marcos 9:47

Ut wi xsa' laawu nak'ehok aawe chi maakob'k, isi: us cho'q aawe naq tat-ok sa' li xnimajwal awab'ejihom li Yos chi junaq xsa' laawu chiru naq tatkute'q sa' xb'alb'a chi wanq xkab'ichal xsa' laawu.

San Mateo 19:17

Li Jesus kixye re: —K'a'ut naq nakapatz' we chirix li chaab'ilal? Jun ajwi' li Chaab'il. Wi taawaj ok sa' li yu'am, paab' li chaq'rab'.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?