San Mateo 13:8 - Q'eqchi Bible

⁸ Wan chik iyaj kinaqk sa' chaab'il ch'och' ut ki'uuchink; wan kixk'e o'k'aal, wan oxk'aal ut wan chik lajeeb' xka'k'aal.

Li Santil hu

⁸ Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiu̱chin. Cuan quixqꞌue laje̱tk xcaꞌcꞌa̱l ru (30). Cuan quixqꞌue oxtakcꞌa̱l ru (60), ut cuan cuiꞌchic quixqꞌue oꞌtakcꞌa̱l ru (100) li junju̱nk.

San Mateo 13:8 ပူးပေါင်းရင်းမြစ်များ

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

San Mateo 13:23

Li ki'awmank sa' chaab'il ch'och' a'an li narab'i li Aatin ut naxtaw ru; a'an na'uuchink: wan naxk'e o'k'aal, wan oxk'aal ut wan chik lajeeb' xka'k'aal li junjunq chi iyaj”.

San Juan 15:8

Rik'in a'in naxk'ul xloq'al linYuwa', naq q'axal chi'uuchinq leepaab'aal ut laa'exaq tz'aqal intzolom.

Génesis 26:12

Sa' li chihab' a'an laj Isahak ki'awk sa' li na'ajej a'an ut kixxok o'taqk'aal sa' xb'een li junjunq, xb'aan naq ki'osob'tesiik xb'aan li Qaawa'.

Filipenses 1:11

nujenaqaqex b'an rik'in li naruuchin li tiikilal sa' xk'ab'a' li Jesukriist cho'q re li xloq'al ut li xnimankil ru li Yos.

Romanos 7:18

Ninnaw chi us naq maak'a' k'aru us wank wik'in, sa' linch'och'el sululel. Xb'aan naq wank sa' wuq' xrahinkil ru li us, ab'an li xb'aanunkil ink'a':

San Mateo 13:7

Wan ajwi' iyaj kinaqk sa' k'ix ru ut, naq kichamo'k li k'ix, kinat'e'k li iyaj xb'aan.

San Marcos 4:8

Ut wan chik iyaj kinaqk sa' chaab'il ch'och', kik'iik, kichamo'k ut ki'uuchink: wan kixk'e lajeeb' xka'k'aal, wan chik oxk'aal ut wan chik o'k'aal”.

San Marcos 4:20

Ut eb' li neke'xk'ul li iyaj sa' chaab'il ch'och', a'aneb' li neke'ab'ink re li Aatin, neke'xk'ulub'an xch'ool ut neke'uuchink: wan naxk'e lajeeb' xka'k'aal, wan oxk'aal ut wan chik o'k'aal li junjunq chi iyaj”.

San Lucas 8:8

Wan chik iyaj kinaqk sa' chaab'il ch'och': kimoqk ut ki'uuchink chi o'taqk'aal”. Naq ak xye a'in, li Jesus ki'aatinak chi kaw chi kama'in: “Li wank xxik re ab'ink, chi'ab'inq”, chan.