San Mateo 13:52 - Q'eqchi Bible

⁵² Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

Li Santil hu

⁵² Li Jesús quixye reheb: —Joꞌcan nak chixjunileb li nequeꞌxnau cꞌaꞌru naxye saꞌ li chakꞌrab ut nequeꞌxtzol rib cuiqꞌuin, eb aꞌan chanchaneb laj e̱chal cab li narisi saꞌ lix cꞌu̱leba̱l li cꞌaꞌru acꞌ joꞌ ajcuiꞌ li cꞌaꞌru kꞌel, chan li Jesús. (Quixye chi joꞌcan xban nak cuan xlokꞌal li naꞌleb qꞌuebil najter xban li Dios ut cuan ajcuiꞌ xlokꞌal li acꞌ naꞌleb qꞌuebil xban li Jesús.)

San Mateo 13:52 ပူးပေါင်းရင်းမြစ်များ

Tito 1:9

kawaq xch'ool chirix li aatin tz'aqal paab'ajel jo' chanru kitzole'k wi'. Chi jo'kan tixnaw xwaklesinkil xch'ooleb' li kristiyan rik'in li chaab'il na'leb' jo'wi' xtz'apb'al xsa' reheb' li neke'wech'ok.

San Mateo 12:35

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in.

Proverbios 15:7

Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.

Esdras 7:21

Laa'in, li awab'ej Artajerjes, nink'e li chaq'rab' a'in reheb' chixjunileb' laj k'uulanel tumin li wankeb' junpak'al li nima' Éwfrates: Jo'ch'inal jo'nimal tixpatz' eere laj Esdras, aj tij ut aj k'utul re li xChaq'rab' li xYos li choxa, teek'e re chi junpaat,

Esdras 7:10

Xb'aan naq laj Esdras kixk'e xch'ool chi xtzolb'al li xChaq'rab' li Qaawa', chi xk'anjelankil ut chi xk'utb'al chixjunil li raatin ut li xtaqlahom chiruheb' laj Israel.

San Lucas 11:49

“Jo'kan utan yeeb'il chaq xb'aan li xnimal xk'a'uxl li Yos: «Tintaqlaheb' propeet ut apóstol rik'ineb': wan te'kamsiiq ut wan te'rahob'tesiiq»,

San Mateo 23:34

Jo'kan utan laa'in tintaqlaheb' li propeet eerik'in, eb' laj k'ehol na'leb' ut eb' laj tz'iib': wan teekamsiheb' ut teek'eheb' chiru krus, wankeb' chik teerapeb' chi tz'uum sa'atqeb' leech'utleb'aal kab'l ut teesik'eb' sa' junjunq chi tenamit re xchapb'aleb',

Proverbios 18:4

Li raatin li ani wank xna'leb' a'an chanchan li yu'amha', chanchan li roq nima' ut xyo'leb'aal li chaab'il k'a'uxl.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

Colosenses 1:7

Jo'ka'in naq kextzole'k xb'aan laj Epafras, li qochb'een chi k'anjelak raaro qab'aan ut chaab'il aj k'anjel chiru li Kriist sa' eek'ab'a' laa'ex.

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

San Juan 13:34

Jun ak' chaq'rab' nink'e eere: naq chera eerib' cherib'il eerib'. Jo' naq xexinra laa'in, jo'kan ajwi' naq chera eerib' cherib'il eerib'.

Cantares 7:13

Sununk li xb'ook eb' li winqil q'een; chire li qochoch wank k'iila paay chi sahil ki'q'een: eb' li ru li toje' xinxok jo'wi' eb' li ak chaqi, ut xink'uula cho'q aawe, at inrahom!

Proverbios 11:30

Li tiikilal nak'ehok yu'am; wi wank aana'leb', jalaneb' chik te'taaqenq aawe.

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Efesios 3:4

Rik'in rilb'al xsa' li xintz'iib'a, teetaw xyaalal li k'aru ninnaw chirix li muqmuukil na'leb' a'an, li kitz'aqlok ru rik'in li Kriist.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

1 Timoteo 3:6

Tento naq laj ilol re xtenamit li Yos ink'a' toj akaq rokik chi paab'ank: mare anchal tixnimob'resi rib' ut taat'ane'q sa' li tojb'amaak kit'ane'k wi' laj tza.

San Mateo 13:51

Toja' naq li Jesus kixpatz' reheb': —Ma xetaw ru chixjunil a'in? Ke'xsume: —Hehe', xqataw ru, chankeb'.

San Mateo 13:53

Naq kiraqe'k li Jesus chi xyeeb'al eb' li jaljookil ru aatin a'in, ki'elk aran.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,