San Mateo 13:3 - Q'eqchi Bible

³ Ut naab'al li na'leb' kixye reheb' sa' jaljookil ru aatin. Kixye chi jo'ka'in: “Ki'elk jun aj awinel chi awk.

Li Santil hu

³ Ut nabal cꞌaꞌak re ru quixtzoleb cuiꞌ riqꞌuin jaljo̱quil ru a̱tin, ut quixye reheb: —Abihomak li tinye e̱re. Jun aj acuinel co̱ chi a̱uc.

San Mateo 13:3 ပူးပေါင်းရင်းမြစ်များ

San Marcos 4:13

Ut kixye reheb': “Ma ink'a' neketaw ru li jaljookil ru aatin a'in? Chan put ru naq teetaw xyaalal chixjunileb' li jaljookil ru aatin?

San Marcos 4:33

Ut rik'in naab'al chik jaljookil ru aatin jo'eb' a'in, li Jesus naxye reheb' li Aatin, a' yaal b'arwan neke'ruuk xtawb'al ru;

San Mateo 13:53

Naq kiraqe'k li Jesus chi xyeeb'al eb' li jaljookil ru aatin a'in, ki'elk aran.

Salmos 78:2

Ok we chi aatinak sa' jaljo ru, ut tinch'olob' chawu li najteril tz'aptz'ookil na'leb'.

San Marcos 12:12

Eb' a'an ke'ok chi xsik'b'al chan raj ru naq te'xchap, xb'aan naq ke'xtaw ru naq cho'q reheb' kixye li jaljookil ru aatin; ab'an ke'xxiwa ruheb' li tenamit. Jo'kan naq ke'xkanab' ut koheb'.

Salmos 49:4

Ok we xyeeb'al choxahil na'leb', tinch'olob' xyaalal li naweek'a sa' li waanm;

San Juan 16:25

“Xinye a'in eere sa' jaljookil ru aatin. Taawulaq xq'ehil naq ink'a' chik texwaatina sa' jaljookil ru aatin, chi ch'olch'o b'an ru texwaatina chirix li Yuwa'b'ej.

San Lucas 12:41

Kixye laj Pedro: —Qaawa', ma ka'ajwi' cho'q qe nakaye li jaljookil ru aatin a'in malaj reheb' ajwi' chixjunileb'?

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Marcos 12:1

Li Jesus ki'ok chi raatinankileb' sa' jaljookil ru aatin. Kixye reheb' chi jo'ka'in: “Jun li winq kiraw jun siir x'uub', kixsut chi koral, kixb'ek jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

San Marcos 3:23

Toja' naq li Jesus kixb'oqeb' chaq ut kixye reheb' sa' jaljookil ru aatin: “Chanru naq laj tza taarisi laj tza?

San Mateo 24:32

“Rik'in li xche'el li iig chetzolaq li jaljookil ru aatin a'in. Naq ak naq'unq'utk li ruq' ut yo chi yo'laak li xxaq, aran nekenaw naq xnach'ok chaq li saq'ehil.

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Ezequiel 20:49

Laa'in kinchaq'ok ut kinye: “At Qaawa', eb' li poyanam yookeb' chi xyeeb'al naq laa'in junes muqmuukil na'leb' ninye ut maajun natawok ru”.

Ezequiel 17:2

“At kaamel winq, ye junaq jaljookil ru aatin reheb' li ralal xk'ajol laj Israel. Mare chan naq te'xtaw ru.

San Mateo 22:1

Ki'ok wi' chik chi aatinak li Jesus ut kixye reheb' sa' jaljookil ru aatin:

San Mateo 13:4

Ut naq yo chi awk, wan iyaj kinaqk chire li b'e: ke'chalk li kok' xul ut ke'xwa'.