San Mateo 10:8 - Q'eqchi Bible

⁸ Chek'irtasiheb' li yaj, chewaklesi chi yo'yo eb' li kamenaq, chek'irtasiheb' li saqlep rixeb' ut cherisiheb' li maa'us aj musiq'ej. Chi maatan xek'ul, ut chi maatan ajwi' teek'e.

Li Santil hu

⁸ Cheqꞌuirtesiheb li yaj, checuaclesiheb cuiꞌchic chi yoꞌyo li camenak. Cheqꞌuirtesiheb li saklep rix ut cherisiheb li ma̱us aj musikꞌej. Chi ma̱tan xecꞌul le̱ cuanquil ut chi ma̱tan ajcuiꞌ te̱ba̱nu li usilal.

San Mateo 10:8 ပူးပေါင်းရင်းမြစ်များ

Hechos 3:6

Ut laj Pedro kixye re: —Maak'a' in'oor, maak'a' inplaat; ab'an li k'aru wank we tink'e aawe: sa' xk'ab'a' li Jesukriist, laj Nazaret, waklin ut b'een.

Hechos 4:30

Chak'ut xnimal aawankil re naq chi'uxmanq li k'irtasink, xninqal ru eetalil ut sachb'ach'oolej sa' xk'ab'a' li Jesus, laasantil moos”.

San Lucas 10:9

Chek'irtasiheb' li yaj li wanqeb' aran ut cheye reheb': «Li xnimajwal awab'ejihom li Yos nach' wank eerik'in».

San Mateo 10:1

Li Jesus kixb'oqeb' li xkab'laju chi tzolom ut kixk'eheb' xwankil sa' xb'eeneb' li tz'ajn aj musiq'ej re naq te'risiheb', jo' ajwi' re naq te'xk'irtasi chixjunil li yajel ut chixjunil li rahilal.

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Isaías 55:1

“Chejunilex li nachaqik eere, kimqex chi uk'ak ha'. Us ta maak'a' eetumin, kimqex ut tzekanqex chi maatan; uk'umaq b'iin ut xya'al xtu' wakax, chi ink'a' teetoj.

San Mateo 10:7

Ut naq yooqex chi xik, puktesiiq resil naq li xnimajwal wankilal li choxa ak xnach'ok chaq.

San Mateo 10:9

“Mexk'amok oor, chi moko plaat, chi moko eetumin sa' xk'aamal eesa'.