San Mateo 10:6 - Q'eqchi Bible

⁶ Us b'an texxik rik'ineb' li karneer sachenaqeb' sa' li tenamit Israel.

Li Santil hu

⁶ Texxic ban riqꞌuineb laj judío. Aꞌaneb li ralal xcꞌajol laj Israel. Chanchaneb li carner li sachenakeb.

San Mateo 10:6 ပူးပေါင်းရင်းမြစ်များ

Jeremías 50:6

“Chanchaneb' li karneer sachenaqeb' naq xe'wank lintenamit. Eb' laj ilol reheb' xe'sachb'esink reheb' sa'eb' li pim; jo'kan naq xe'xb'eeni rib' chiruheb' li tzuultaq'a; neke'chalk neke'xik toj reetal xsachk sa' xch'ooleb' li xna'ajeb'.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Salmos 119:176

Jo' junaq karneer xinsachk chawu. Kim chinsik'b'al: laa'in aj k'anjel chawu. Ink'a' nasachk sa' li waanm laachaq'rab'.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Ezequiel 34:8

Sa' xk'ab'a' linloq'al, laa'in li Qaawa' ninye chi jo'ka'in: Eb' li k'iila paay chi josq' aj xul xe'xxok ut xe'xt'upi linketomq, xb'aan naq maak'a' aj ilol reheb'. Eb' laj ilol reheb' linkarneer ink'a' xoxe'xsik' chaq eb' li xe'sachk. Xb'aan naq eb' laj k'aak'alenel yal xjuneseb' rib' neke'xch'oolani rib', ut ink'a' xe'xch'oolani eb' linkarneer.

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

Hechos 18:6

A'ut eb' a'an ink'a' ke'raj rab'inkil, ke'ok b'an chi xmajewankil; jo'kan naq laj Pablo kixchiq' ru li raq' ut kixye reheb': —A' yaal eere. Leekik'el chinaq sa' eeb'een. Laa'in maak'a' inmaak, ut chalen anaqwan tinxik junes rik'ineb' li junch'ol chik.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Ezequiel 34:16

Tinsik' chaq li karneer sachenaq, tinsutq'isi chaq li xcha'cha'iik, tinb'an li xtiq' rib', tink'irtasi li yaj ut twileb' ajwi' li ninqeb' xtib'el ut kaweb' rib'. Tinb'eresiheb' sa' tiikilal.

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Ezequiel 34:4

Ink'a' nekech'oolani eb' li karneer li ink'a' neke'xkuy b'eek, chi moko nekeb'an eb' li yaj; ink'a' nekelan xtiq'ilal li naxtiq' rib', chi moko nekesutq'isi chaq li xsachk sa' xb'e, ink'a' nekesik' chaq eb' li sachenaq, xik' b'an chik nekerileb' ut k'ajo' leejosq'il rik'ineb'.