San Mateo 10:5 - Q'eqchi Bible

⁵ Eb' li kab'laju a'in ke'taqlaak xb'aan li Jesus, naq ak ke'chaq'rab'iik chi jo'ka'in: “Mexxik sa' xna'ajeb' li jalaneb' xpaab'aal chi moko tex'ok sa' xtenamiteb' laj Samaria.

Li Santil hu

⁵ Nak quixtaklaheb li cablaju aꞌin chi cꞌanjelac, li Jesús quixchakꞌrabiheb ut quixye reheb: —Mexxic saꞌ lix tenamiteb li ma̱cuaꞌeb aj judío chi moco tex-oc saꞌ xtenamiteb aj Samaria.

San Mateo 10:5 ပူးပေါင်းရင်းမြစ်များ

San Juan 4:9

Li ixq aj Samaria kixye re: —Chan put ru naq laa'at aj judiiy nakapatz' aawuk'a' we laa'in ixq aj Samaria? Xb'aan naq eb' laj Judiiy ink'a' neke'raatina rib' rik'ineb' laj Samaria.

1 Ts 2:16

neke'xram chiqu aatinak rik'ineb' li maawa'eb' aj Judiiy re naq te'kole'q; chi jo'kan junelik yo chi nujak li xb'isb'al li xmaakeb'. Ab'anan li xjosq'il li Yos ak teneb'anb'il sa' xb'eeneb' chi junajwa.

San Lucas 17:16

koxhupub' rib' chi roq li Jesus ut ki'ok chi xb'anyoxinkil chiru. Ut a'an jun aj Samaria.

Hechos 10:45

Ut eb' laj paab'anel li ak xk'ulumeb' li sirkunsisyon, eb' li xe'chalk chirix laj Pedro, ke'sachk xch'ool chi rilb'al naq li xsimaatan li Santil Musiq'ej nahoye'k ajwi' sa' xb'eeneb' li maawa'eb' aj Judiiy,

San Lucas 9:2

Ut kixtaqlaheb' chi xpuktesinkil resil li xnimajwal awab'ejihom li Yos ut chi k'irtasink.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Juan 20:21

Toja' naq kixye wi' chik li Jesus reheb': —Chiwanq taxaq eerik'in li tuqtuukil usilal. Jo' naq xinxtaqla chaq li Yuwa'b'ej, jo'kan ajwi' naq texintaqla laa'in.

San Juan 7:35

Toja' naq eb' laj Judiiy ke'xye chirib'ileb' rib': —B'ar anchal taaxik a'an naq ink'a' tooruuq xtawb'al? Malaj taaxik ta rik'ineb' laj Griego li xe'xcha'cha'i rib'eb', re naq tixtzoleb'?

San Juan 4:5

Jo'kan naq kiwulak sa' jun tenamit sa' xteepal Samaria, Sikar xk'ab'a', nach' rik'in li na'ajej kixk'e laj Jakob re laj José li ralal.

San Lucas 10:33

“Ab'an jun aj Samaria li yo chi nume'k aran, kiwulak wan wi' li winq ut, naq kiril, kixtoq'ob'a ru.

San Mateo 4:15

“At xch'och'el laj Sabulón, at xch'och'el laj Neftalí, junpak'al li nima' Jordán, sa' xb'ehil li palaw, at Galilea reheb' li ink'a' neke'paab'ank!

Hechos 8:1

Laj Sawlo kixk'ul xch'ool naq kikamsiik laj Esteban. Sa' li kutan a'an ke'xtikib' xrahob'tesinkil li Iklees li wank Jerusalén, ut chixjunileb' ke'xcha'cha'i rib'eb' sa' xsutam Judea ut Samaria, ka'ajeb' chik eb' li apóstol ke'kanaak.

San Juan 8:48

Ke'chaq'ok eb' laj Judiiy: —Yaal ajwi' naqaye naq laa'at aj Samaria ut aj tza wank aawik'in, chankeb'.

San Juan 4:20

Eb' li qana' qayuwa' xe'loq'onink sa' xb'een li tzuul a'in ut laa'ex nekeye naq li na'ajej b'arwi' tento li loq'onink a'an Jerusalén.

San Lucas 10:1

Chirix chik a'in li Qaawa' kixxaqab'eb' kab'laju xkaak'aal chik ut kixtaqlaheb' sa' ka'kab'il chi uub'ej, sa' chixjunileb' li tenamit ut na'ajej b'arwi' taaxik.

San Mateo 22:3

Kixtaqlaheb' li xmoos chi xb'oqb'aleb' li rula', a'ut eb' a'an ink'a' ke'raj chalk.

San Marcos 6:7

Toja' naq kixb'oqeb' li Kab'laju, kixtikib' xtaqlankileb' sa' ka'kab'il ut kixk'eheb' xwankil sa' xb'eeneb' li tz'ajn aj musiq'ej.

San Lucas 9:1

Naq kixch'utub'eb' li Kab'laju, li Jesus kixk'eheb' xkawilal ut xwankileb' sa' xb'een chixjunileb' li maa'us aj musiq'ej, jo'wi' re k'irtasink yajel.

San Juan 17:18

Jo' naq laa'at xinaataqla chaq sa' ruuchich'och', jo'kan ajwi' laa'in xintaqlaheb' sa' ruuchich'och'.