San Mateo 10:1 - Q'eqchi Bible

¹ Li Jesus kixb'oqeb' li xkab'laju chi tzolom ut kixk'eheb' xwankil sa' xb'eeneb' li tz'ajn aj musiq'ej re naq te'risiheb', jo' ajwi' re naq te'xk'irtasi chixjunil li yajel ut chixjunil li rahilal.

Li Santil hu

¹ Saꞌ jun li cutan li Jesús quixbokeb lix tzolom cablaju riqꞌuin ut quixqꞌueheb xcuanquil chirisinquil li ma̱us aj musikꞌej ut quixqꞌueheb xcuanquil chixqꞌuirtesinquileb li yaj, aꞌ yalak cꞌaꞌru chi xyajelil ut raylal.

San Mateo 10:1 ပူးပေါင်းရင်းမြစ်များ

San Lucas 10:19

Chek'e reetal, xink'e eewankil chi xyeq'b'aleb' li k'anti' ut laj xook', jo' ajwi' sa' xb'een chixjunil xwankilal li xik' na'ilok eere; ut maak'a' k'aru taarahob'tesinq eere.

San Lucas 24:49

Chek'e reetal, laa'in tintaqla chaq sa' eeb'een li xyeechi'om linYuwa'. Kanaaqex wan sa' li tenamit Jerusalén toj tolextiqib'aaq rik'in li wankilal taachalq chaq taqe'q.

Hechos 1:8

Ab'anan teek'ul eewankil naq li Santil Musiq'ej taachalq sa' eeb'een, ut laa'exaq aj yehol yaal chiwix arin Jerusalén, sa' chixjunil Judea jo'wi' Samaria, ut toj sa' xmaril li ruuchich'och'.

San Juan 3:27

Kichaq'ok laj Jwan ut kixye: —Maak'a' truuq taareechani junaq, wi ink'a' ta k'eeb'il chaq re sa' choxa.

San Lucas 6:13

Naq kikutano'k, kixb'oqeb' li xtzolom, kixsik' ru kab'laju sa' xyanqeb' ut apóstol kixk'e cho'q xk'ab'a'eb':

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

Hechos 19:15

Ab'anan li maa'us aj musiq'ej kichaq'ok chi jo'ka'in: “Li Jesus ninnaw ru, ut ninnaw ajwi' ani laj Pablo; a'ut laa'ex, anihex?”, chan reheb'.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Juan 6:70

Li Jesus kixsumeheb': —Ma ink'a' tab'i' laa'in xinsik'ok eeru laa'ex li Kab'laju? Ut jun eere laa'ex, a'an aj tza.

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

Apocalipsis 12:1

Jun li nimla eetalil kik'utunk sa' choxa: jun li ixq tiqto rik'in li saq'e, li po wank rub'el roq, ut sa' xjolom wank jun li koroon kab'laju chi chahim wank chiru.

San Mateo 26:47

Toj yo ajwi' chi aatinak li Jesus, naq kiwulak laj Judas, jun reheb' li Kab'laju. Naab'aleb' li rochb'een, wankatqeb' xch'iich' ut xche', taqlanb'ileb' chaq xb'aaneb' li xb'eenil aj tij ut eb' li xcheekel winqilaleb' li tenamit.

San Mateo 26:20

Naq ki'ewuuk, kik'ojlaak li Jesus sa' meex rochb'eeneb' li Kab'laju.

San Mateo 19:28

Kixye li Jesus reheb': —Relik chi yaal ninye eere naq sa' li ak' ruuchich'och', naq taak'ojlaaq li K'ajolb'ej sa' li xloq'laj k'ojarib'aal, laa'ex ajwi' li xextaaqenk we texk'ojlaaq sa' kab'laju chi k'ojarib'aal ut texraqoq aatin sa' xb'eeneb' li kab'laju xteepal aj Israel.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

San Mateo 9:35

Li Jesus kixb'eeni chixjunileb' li tenamit ut k'aleb'aal, yo chi xtzolb'aleb' sa'eb' li xch'utleb'aal kab'l. Kixpuktesi li xchaab'il esil li xnimajwal awab'ejihom li Yos ut kixk'irtasi chixjunil li rahilal ut chixjunil li yajel.

San Mateo 9:38

Chetz'aama b'i' chiru laj eechal q'olom naq xtaqlahaqeb' chaq aj k'anjel sa' li xq'olom.