San Marcos 8:34 - Q'eqchi Bible

³⁴ Kixb'oqeb' li tenamit rochb'eeneb' li xtzolom ut kixye reheb': —Wi ani naraj intaaqenkil, mixra rib', chixchapaq li xkrus ut chinxtaaqehaq.

Li Santil hu

³⁴ Tojoꞌnak quixbokeb li qꞌuila tenamit rochbeneb lix tzolom ut quixye reheb: —Li ani ta̱raj inpa̱banquil, tento nak tixtzꞌekta̱na li cꞌaꞌru naxrahi ru lix chꞌo̱l. Tixcuy xnumsinquil li raylal li tixcꞌul usta ta̱camsi̱k saꞌ incꞌabaꞌ. Ut chinixta̱kehak.

San Marcos 8:34 ပူးပေါင်းရင်းမြစ်များ

San Mateo 10:38

Ani ink'a' naxchap li xkrus ut tinxtaaqe, a'an moko xk'ulub' ta wank cho'q intzolom.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

1 Reyes 14:8

Xinmaq' li awab'ejihom sa' ruq'eb' li ralal xk'ajol laj David ut xinq'axtesi aawe. Ab'anan laa'at moko yookat ta chi awab'ejink jo' naq xwank laj David, laj k'anjel chiwu, li kixpaab' linchaq'rab', kik'anjelak chiwu chi anchal xch'ool ut junelik kiwank sa' tiikilal.

Gálatas 5:24

Ut eb' li reheb' li Kriist xe'xk'e chiru krus li tz'ejwalej jo' ajwi' li k'aru naxrahi ut narataw ru.

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

1 Juan 3:16

A'in xqataw wi' ru k'aru li rahok, rik'in naq li Jesus kixk'e li xyu'am sa' qak'ab'a'; jo'kan naq laa'o ajwi' tento tqak'e li qayu'am sa' xk'ab'a'eb' li qas qiitz'in.

Números 14:24

A'ut laj Kaleb aj k'anjel chiwu, jalan wi' li xna'leb' chiruheb' a'an, ut xinxpaab' chi tz'aqal re ru. Jo'kan naq taa'ok sa' li na'ajej li xo'ril chaq, ut eb' li ralal xk'ajol te'eechaninq re li ch'och' a'an.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Filipenses 3:10

Nawaj xnawb'al ru li Kriist ut li xwankil li xwaklijik chi yo'yo, nawaj ajwi' tz'aqonk sa'eb' li xrahilal: chi jo'kan, juntaq'eetanb'ilaqin rik'in A'an sa' li xkamik,

Romanos 8:17

Ut wi laa'o li alal k'ajolb'ej, too'eechaninq ajwi' maatan, taaqeechani xyeechi'om li Yos, sum'eechaninelaqo qochb'een li Kriist, xb'aan naq qochb'een A'an naqak'ul rahilal re naq qochb'een ajwi' A'an taanimaaq qaloq'al.

San Lucas 9:23

Chirix chik a'an kixye reheb' chixjunil: —Wi ani naraj intaaqenkil, mixra rib', chixchapaq li xkrus rajlal kutan ut chinxtaaqehaq.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Filipenses 3:7

Ut chixjunil a'in li q'axal kink'e xwankil junxil, nink'oxla naq maak'a' na'ok wi' sa' xk'ab'a' li Kriist.

1 Pedro 4:1

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k,

Gálatas 6:14

A'ut laa'in maajaruj tinnimob'resi wib' injunes, wi ta ink'a' sa' xk'ab'a' li xkrus li Qaawa' Jesukriist. Sa' xk'ab'a' a'an, li ruuchich'och' nakanaak chi tz'eqtaananb'il cho'q we, jo' li k'eeb'il chiru krus; ut jo'kan ajwi' laa'in cho'q re li ruuchich'och'.

1 Corintios 15:31

Rajlal kutan yookin chi kamk! Tz'aqal yaal a'in, ex was wiitz'in, jo' naq tz'aqal yaal naq ninnima wu sa' eek'ab'a' laa'ex, xb'aan li Kristo Jesus, li Qaawa'.

Romanos 6:6

Naqanaw naq li qanajteril yu'am kik'ehe'k chiru krus rochb'een li Kriist, re naq chisache'q xwankil li qakamenaqil na'leb' ut ink'a' chik took'anjelaq chiru li maak.

San Lucas 14:33

Jo'kan naq yalaq ani eere laa'ex li ink'a' tixkanab' chixjunil li xjunkab'lal, ink'a' naru taawanq cho'q intzolom.

2 Pedro 1:14

Ninnaw naq chi seeb' tinq'ajq tinsutq'iiq, jo' tz'aqal xk'utb'esi chiwu li Qaawa' Jesukriist.

1 Pedro 4:13

Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

Tito 2:12

naxk'ut chiqu xtz'eqtaanankil li maa'usilal ut li narahimank ru sa' ruuchich'och', sa' xyaalal b'an chiwanq li qayu'am, sa' tiikilal ut paab'ank sa' li ruuchich'och' a'in.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Hechos 14:22

yookeb' chi xk'eeb'al xkawub' xch'ooleb' laj paab'anel ut chi xjultikankil chiruheb' naq che'wanq junelik sa' li paab'ank: “Tento tqanumsi naab'al rahilal re naq tooruuq too'ok sa' li xnimajwal awab'ejihom li Yos”, chankeb'.

San Lucas 18:22

Naq kirab'i a'in li Jesus, kixye re: —Toj jun chik maa nakab'aanu: k'ayi jo'nimal wank aawe, jek'i reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Lucas 13:24

Kixye li Jesus reheb': “Cheyal eeq'e chi ok sa' li okeb'aal kach'in ru, xb'aan naq ninye eere naq naab'aleb' li te'yaloq raj ok ut ink'a' te'ruuq.

San Mateo 27:32

Naq yookeb' chi elk, ke'xk'ul jun li winq aj Sirene, aj Simón xk'ab'a', ut ke'xmin ru chi xk'amb'al li xkrus li Jesus.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Hebreos 13:13

Elqo ajwi' laa'o sa' li tenamit chi xk'ulb'al li Jesus, yooqo chi riiqankil li xnimal xrahilal a'an,

2 Ts 3:11

Xb'aan naq xqab'i resil naq wank wankeb' sa' eeyanq li sachsookeb' xna'leb': maak'a' neke'xb'aanu, ab'anan neke'xch'ik rib' yalaq b'ar.

1 Corintios 9:19

Relik chi yaal, us ta wankin chi ach'ab'anb'il ut maa'ani aj eechal we, ab'an xink'e wib' cho'q moos chiru chixjunileb', re reechaninkil jo'k'ihal tinruhanq reechaninkil.

1 Corintios 8:13

Jo'kan utan, wi li tzekemq taaluktesinq xch'ool li was wiitz'in, maajoq'e tintzekanq tib' chiruheb', re naq ink'a' tinluktesi xch'ool li was wiitz'in.

San Juan 19:17

ut yo chi xpaqonkil li xkrus naq koho sa' li na'ajej xB'aqel-xjolom-kamenaq xk'ab'a' (Gólgota nayeemank re sa' aatinob'aal hebreo).

San Lucas 20:45

Naq chixjunileb' li tenamit yookeb' chi rab'inkil, kixye li Jesus reheb' li xtzolom:

San Marcos 10:21

Li Jesus kixka'ya, kixra ut kixye re: —Toj jun chik maa nakab'aanu: ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

San Marcos 7:14

Li Jesus kixb'oqeb' wi' chik li tenamit ut kixye reheb': —Chineerab'ihaq chejunilex ut chetawaq xyaalal.