San Marcos 7:5 - Q'eqchi Bible

⁵ jo'kan naq eb' laj Pariseey ut eb' laj tz'iib' ke'xpatz' re: —K'a'ut naq eb' laatzolom ink'a' neke'xb'aanu jo' k'utb'il chiqu xb'aaneb' li qaxe' qatoon, naq neke'wa'ak chi tz'aj ruq'eb'? chankeb'.

Li Santil hu

⁵ Eb laj fariseo ut eb laj tzꞌi̱b queꞌxpatzꞌ re li Jesús: —¿Cꞌaꞌut nak eb la̱ tzolom incꞌaꞌ nequeꞌxba̱nu li kachakꞌrabinquil canabanbil ke xbaneb li kaxeꞌ kato̱n? Eb aꞌan nequeꞌcuaꞌac chi incꞌaꞌ nequeꞌxchꞌaj li rukꞌeb joꞌ naxye li kachakꞌrabinquil, chanqueb.

San Marcos 7:5 ပူးပေါင်းရင်းမြစ်များ

2 Ts 3:6

Ex qas qiitz'in, sa' xk'ab'a' li Qaawa' Jesukriist nekexqachaq'rab'i naq cherisi eerib' sa' xyanqeb' chixjunil li qas qiitz'in li wankeb' chi sachsookeb' xch'ool ut ink'a' neke'xb'aanu jo' chanru leetijb'al eek'ulum qik'in.

Hechos 21:21

Anaqwan xe'rab'i aawesil naq nakatzoleb' len chixjunileb' laj Judiiy li wankeb' sa' xyanqeb' li junch'ol chik naq che'risi rib' sa' xchaq'rab' laj Moisés. Nakaye len naq ink'a' te'xb'aanu li sirkunsisyon reheb' li ralal xk'ajoleb' chi moko te'xyu'ami li tzolb'ileb' wi' junxil.

Gálatas 1:14

Keb'inq'ax ru naab'aleb' li wech tenamitul wech saajilal sa' xpaab'aaleb' laj Judiiy, q'axal chik kink'e inch'ool chi xpaab'ankil xna'leb'eb' li qana' qayuwa'.

Hechos 21:24

K'ameb' chawix, ch'ajob'resi aawib' aawochb'eeneb' ut tojon chirixeb', re naq te'ruhanq chi xt'ojob'ankil li xjolomeb'. Chi jo'kan chixjunileb' te'xtaw ru naq moko yaal ta li xe'rab'i chawix, ut te'xk'e reetal naq laa'at ajwi' aj paab'anelat re li Chaq'rab'.

San Mateo 15:2

—K'a'ut naq eb' laatzolom neke'xq'et li k'utb'il chiqu xb'aaneb' li qaxe' qatoon? Xb'aan naq ink'a' neke'xch'aj li ruq'eb' naq neke'wa'ak.

Romanos 4:12

Laj Abrahán xyuwa'eb' ajwi' li xk'ulumeb' li sirkunsisyon, eb' li ink'a' k'ojk'o xch'ooleb' rik'in li sirkunsisyon, neke'xk'am b'an reheb' rik'in xpaab'aal li qayuwa' laj Abrahán naq maji'aq xk'ulum li sirkunsisyon.

2 Ts 3:11

Xb'aan naq xqab'i resil naq wank wankeb' sa' eeyanq li sachsookeb' xna'leb': maak'a' neke'xb'aanu, ab'anan neke'xch'ik rib' yalaq b'ar.

San Marcos 7:8

Nekekanab' li xchaq'rab' li Yos ut a' chik li xnajteril na'leb' li winq nekepaab'.

San Marcos 7:9

Kixye ajwi' reheb': —Tz'aqal a' li xchaq'rab' li Yos neketz'eqtaana re xpaab'ankil li najteril na'leb' kanab'anb'il chaq eere.

San Marcos 7:13

Chi jo'kan nekesach xwankil li Raatin li Yos xb'aan li najteril na'leb' li neketzol wi' eerib'. Ut naab'al chik k'a'aq re ru xkomon a'in nalajeeb'aanu.