San Marcos 7:21 - Q'eqchi Bible

²¹ xb'aan naq chisa' li xch'ool na'elk chaq li ink'a' usil na'leb': li ko'b'eetak yumb'eetak, elq'ak, kamsink,

Li Santil hu

²¹ Saꞌ xcꞌaꞌux junak nachal chak li ma̱us aj naꞌleb, li muxuc caxa̱r, li coꞌbe̱tac yumbe̱tac, ut li xcamsinquil ras ri̱tzꞌin.

San Marcos 7:21 ပူးပေါင်းရင်းမြစ်များ

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Hechos 8:22

Yot' aach'ool ut jal laak'a'uxl, ut kanab' laamaa'usilal; tz'aaman chiru li Qaawa': mare anchal tixkuy li ink'a' us xak'oxla sa' laach'ool.

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

San Mateo 9:4

Ab'an li Jesus naxnaw li xk'a'uxeb'; jo'kan naq kixye reheb': —K'a'ut naq nekek'oxla li ink'a' us sa' leech'ool?

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Santiago 2:4

ma ink'a' tab'i' xtiib'al ru li junjunq yookex chi jo'kan? Nekek'e eerib' cho'q aj raqol aatin sa' li ink'a' usil k'a'uxl.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Salmos 53:3

Li Qaawa' toj sa' choxa narileb' chaq li poyanam: ma wank tana junjunqaq li wank xna'leb', junaq taxaq li nasik'ok re li Yos.

Salmos 14:3

Ab'an sachenaqeb' sa' b'e chixjunileb', junxikikeb' sa' li maa'usilal. Maak'a' junaq nab'aanunk li us, yal jun taxaq.

Romanos 7:8

Li maak xchap xxe' xb'aan li chaq'rab' ut xinxk'e chi xrahinkil chixjunil li ink'a' us. Naq maak'a' chaq li chaq'rab', kamenaq li maak.

Hechos 5:4

Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe? K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.

Proverbios 15:25

Li Qaawa' naxjuk' li xjunkab'al li q'etq'et, ab'an naxk'aak'ale li xch'och' li xmalka'an.

Salmos 14:1

Re li xjolomileb' laj b'ichanel. Xsaalm laj David. Eb' li jip neke'xk'oxla naq maak'a' li Yos. Sachenaqeb', oso'jenaqeb' sa'eb' li xyib' aj na'leb', maajun reheb' nab'aanunk li us.

Li xHu LAJ JOB 25:4

Chiru li Yos maajun tiik xch'ool, maajun naru tixye naq maak'a' xmaak.

Li xHu LAJ JOB 14:4

Li k'aru tz'ajn ru ink'a' naru xch'ajob'resinkil. Maa'ani naru xb'aanunkil chi jo'kan.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

Romanos 7:5

Naq toj wanko chaq rub'el xwankil li maak, li k'aru ink'a' us eek'asinb'il xb'aan li Chaq'rab' yo chaq chi k'anjelak sa' li qoq quq' re naq laa'o too'uuchinq raj cho'q re li kamk.

Salmos 53:1

Re li xjolomileb' laj b'ichanel. Sa' xhonalil li yajel. Xk'utum laj David.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Salmos 119:36

Tenq'ahin chi xk'eeb'al inch'ool chirix laawajom; ink'a' taxaq chinsik' li b'ihomal sa' b'alaq'.

Isaías 59:13

Xqamajewa ut xqatz'eqtaana li Qaawa', ink'a' xqaj xtaaqenkil li qaYos; ka'ajwi' li maa'usilal ut li raaxiik' xqak'oxla xb'aanunkil, ut junes b'alaq'ik x'alaak sa' qach'ool.

Jeremías 16:12

Ut laa'ex q'axal yib' wi' chik ru xeb'aanu chiruheb' a'an, xb'aan naq li junjunq eere laa'ex naxb'aanu li maa'usilal li naraj xch'ool xb'aanunkil ut ink'a' ajwi' nikineepaab'.

San Marcos 7:20

Ut kixye ajwi': —Li na'elk chaq rik'in li winq, a'an li natz'ajnink re,

San Marcos 7:22

muxuk sumlaak, pixilal, maa'usilal, b'alaq'ik, tz'i'b'eetalil na'leb', kaqalik, majewank, q'etq'etil, maak'a'il na'leb'.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.