San Marcos 6:6 - Q'eqchi Bible

⁶ Ut kisachk xch'ool xb'aan naq maak'a' xpaab'aaleb'. Li Jesus kixb'eeniheb' li k'aleb'aal wankeb' chi xsutam, yo chi xtzolb'aleb'.

Li Santil hu

⁶ Ut li Jesús quisach xchꞌo̱l chirilbaleb nak incꞌaꞌ nequeꞌxpa̱b nak cuan xcuanquil. Ut nak qui-el aran, co̱ saꞌ chixjunil li cꞌaleba̱l chixtzolbaleb li tenamit.

San Marcos 6:6 ပူးပေါင်းရင်းမြစ်များ

San Mateo 9:35

Li Jesus kixb'eeni chixjunileb' li tenamit ut k'aleb'aal, yo chi xtzolb'aleb' sa'eb' li xch'utleb'aal kab'l. Kixpuktesi li xchaab'il esil li xnimajwal awab'ejihom li Yos ut kixk'irtasi chixjunil li rahilal ut chixjunil li yajel.

San Mateo 8:10

Naq li Jesus kirab'i a'in, kisachk xch'ool ut kixye reheb' li yookeb' chi taaqenk re: —Relik chi yaal ninye eere naq maajun aj Israel intawom wi' xnimal paab'aal jo' a'in.

San Lucas 13:22

Li Jesus koxnume'q sa'atqeb' li tenamit ut k'aleb'aal ut kixtzoleb' li poyanam naq yo chi xik Jerusalén.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Isaías 59:16

Xk'e reetal naq maajun natenq'ank reheb' li rahob'tesinb'ileb', ut xsachk xch'ool chi rilb'al naq maajun na'okenk chirixeb'. Toja' naq li Yos xq'axok u rik'in li xwankilal ut a' ajwi' li xtiikilal xkuutunk re.

San Juan 9:30

Kichaq'ok li winq ut kixye reheb': —Sachb'ach'oolej tz'aqal a'in, naq laa'ex ink'a' nekenaw b'ar chalenaq, ut a'an xte xsa' li wu.

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

Jeremías 2:11

Ma wank junaq tenamit xjal li xyos? Us ta eb' a'an moko yoseb' ta! Ut lintenamit xjal ru li xloq'al rik'in li k'aru maak'a' na'ok wi'.

San Lucas 4:44

Ut kixpuktesi li Chaab'il Esilal sa'atqeb' li ch'utleb'aal kab'l wankeb' sa' xteepal Judea.

San Lucas 4:31

Kikub'eek sa' li tenamit Kafarnaúm, sa' xteepal Galilea. Rajlal sábado naxtzoleb' li wankeb' aran,

San Marcos 1:39

Ut kixb'eeni chixjunil Galilea, yo chi xpuktesinkil li Chaab'il Esilal sa'atqeb' li xch'utleb'aal kab'l, jo' ajwi' yo chi risinkilatq li maa'us aj musiq'ej.

San Marcos 10:1

Li Jesus kixaqliik ut koho sa'atqeb' li na'ajej chi xsutam Judea ut toj junpak'al li nima' Jordán. Ke'ch'utlaak wi' chik li tenamit rik'in, ut kixtikib' ajwi' xtzolb'aleb', jo' k'aynaq xb'aanunkil.