San Marcos 5:30 - Q'eqchi Bible

³⁰ Li Jesus tikto kireek'a li wankilal ki'elk rik'in: kixsutq'isi rib' sa' xyanqeb' li tenamit ut kixye: —Ani xch'e'ok re li waq'?

Li Santil hu

³⁰ Ut li Jesús quixnau nak cuan li quiqꞌuira xban lix cuanquil. Quixsukꞌisi rib saꞌ xya̱nkeb li qꞌuila tenamit ut quixpatzꞌ reheb: —¿Ani xchꞌeꞌoc re li cuakꞌ? chan reheb.

San Marcos 5:30 ပူးပေါင်းရင်းမြစ်များ

San Lucas 6:19

Chixjunil li tenamit neke'xsik' chan raj ru naq te'xch'e' li Jesus, xb'aan naq na'elk chaq rik'in jun li wankilal li naxk'irtasi chixjunileb'.

San Lucas 8:46

Ut li Jesus kixye wi' chik: —Wank ani xch'e'ok we xb'aan naq xweek'a naq jun wankilal x'elk wik'in.

San Lucas 5:17

Sa' jun li kutan li Jesus yo chi xtzolb'aleb' li tenamit ut wankeb' aj Pariseey ut aj nahol Chaq'rab' k'ojk'ookeb' aran, chalenaqeb' chaq sa' chixjunil li xsutam Galilea ut Judea, jo'wi' Jerusalén. Ut li xwankil li Qaawa' nak'ehok re chi k'irtasink.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

San Marcos 5:31

Ke'chaq'ok eb' li xtzolom ut ke'xye: —Yookat chi rilb'al naq eb' li tenamit neke'laatz'an aawe ut nakaye: «Ani xch'e'ok we?».