San Marcos 5:22 - Q'eqchi Bible

²² Toja' naq kiwulak jun reheb' li xb'eenil li ch'utleb'aal kab'l, aj Jairo xk'ab'a', ut naq kiril ru li Jesus, koxkut rib' chi roq

Li Santil hu

²² Ut quichal jun li cui̱nk aj Jairo xcꞌabaꞌ. Aꞌan xcomoneb li nequeꞌtaklan saꞌ li cab li nequeꞌxchꞌutub cuiꞌ ribeb laj judío. Nak quiril li Jesús, quixcuikꞌib rib chiru.

San Marcos 5:22 ပူးပေါင်းရင်းမြစ်များ

San Lucas 13:14

A'ut li xb'eenil li ch'utleb'aal kab'l kipo'k naq li Jesus xk'irtasink sa' sábado; ut ki'ok chi xyeeb'al reheb' li tenamit: —Wank waqib' kutan li naru wi' k'anjelak. Chexchalq b'i' sa'eb' li kutan a'an chi k'irtasiik ut ink'a' sa' li kutan sábado.

Hechos 18:17

Toja' naq chixjunileb' ke'xchap laj Sóstenes, aj jolominel re li ch'utleb'aal kab'l, ut ke'ok chi xsak'b'al chiru li raqleb'aal aatin. Ab'anan laj Galión maak'a' kiraj wi'.

Hechos 18:8

Laj Krispo, aj jolominel re li ch'utleb'aal kab'l, kixpaab' li Qaawa' rochb'een chixjunil li xjunkab'al; ut naab'aleb' chik aj Korinto, naq ke'rab'i laj Pablo, ke'xpaab' ut ke'kub'siik xha'.

Hechos 13:15

Ut naq kiraqe'k xyaab'asinkil xsa' li Chaq'rab' ut eb' li Propeet, eb' li xb'eenil li ch'utleb'aal kab'l ke'xtaqla xyeeb'al reheb': —Ex qas qiitz'in, wi wank eeraatin re xwaklesinkil xch'ooleb' li tenamit, yehomaq.

San Lucas 5:8

Naq kiril a'an laj Simón Pedro, koxkut rib' chi roq li Jesus ut kixye: —Elen chink'atq, at Qaawa', xb'aan naq laa'in jun winq aj maak!

San Marcos 5:33

Toja' naq li ixq li naxnaw k'aru xk'ul, kijilok chi xk'atq li Jesus chi yo xxiw ut nasiksotk, kixkut rib' chi roq ut kixye chixjunil li xyaalalil re.

Apocalipsis 22:8

Laa'in, laj Jwan, kin'ab'ink ut kin'ilok re chixjunil a'in. Ut naq kiwab'i ut kiwil, kint'ane'k rub'el roq li ánjel li kik'utuk chiwu chixjunil a'in, re xloq'oninkil ru.

San Lucas 8:28

Naq kiril li Jesus, kixkut rib' chi roq ut kixjap re chi kaw xyaab' xkux: —K'aru wank we aawik'in, at Jesus, Ralalat li Nimajwal Yos? Nintz'aama chawu, minaarahob'tesi!

San Marcos 5:38

Naq ke'wulak sa' rochoch li xb'eenil li ch'utleb'aal kab'l, li Jesus kiril li poqoqij ib': wan te'yaab'aq ut wan k'ajo' naq te'tz'uyinq.

San Mateo 2:11

Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.