San Marcos 5:13 - Q'eqchi Bible

¹³ Li Jesus kixkanab'eb' chi xik, ut eb' li tz'ajn aj musiq'ej ke'elk rik'in li winq, koxe'okaq sa'eb' li aaq (li xk'ihaleb' wank tana wiib'aq mil), ke'xkut rib' sa' xteram li uul, jun t'anikeb' sa' li palaw, ut aran ke'kamk.

Li Santil hu

¹³ Ut li Jesús quixcanabeb chi xic. Queꞌel li ma̱us aj musikꞌej riqꞌuin li cui̱nk. Coxeꞌocak riqꞌuineb li a̱k. Ut li a̱k queꞌoc chi a̱linac ut queꞌxrum chak rib saꞌ xbe̱n u̱l ut toj saꞌ li palau coxeꞌnak. Cuanqueb na cuib mil chi a̱k queꞌosoꞌ saꞌ li palau.

San Marcos 5:13 ပူးပေါင်းရင်းမြစ်များ

Li xHu LAJ JOB 2:6

Toja' naq li Qaawa' kixye re laj tza: —Us, maak'a' naxye. B'aanu li k'aru taawaj, ab'anan maawisi li xyu'am laj Job.

Apocalipsis 20:7

Akaq xraqe'k li jun mil chihab', taa'isiiq chaq laj tza sa' li xtz'alam,

Apocalipsis 9:11

Li xjolomileb' a'in a'an li x'ánjel li Siwan, a' li naxk'ab'a'in Abadón sa' hebreo ut Apolión sa' griego (naraj naxye: “aj Sachonel”).

1 Pedro 3:22

li kitaqe'k sa' choxa ut wank chik anaqwan sa' xnim uq' li Yos. Rub'el roq wankeb' li ánjel jo' ajwi' li wankeb' xwankil ut neke'taqlank sa' choxa.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Mateo 8:32

Ut a'an kixye reheb': —Ayuqex. Ut naq eb' a'an ke'elk, koheb' rik'ineb' li aaq ut chi junpaat chixjunil li xk'ihaleb' ke'xkut rib' sa' xteram li uul, jun t'anikeb' sa' li palaw, ut aran ke'kamk.

Li xHu LAJ JOB 1:12

Toja' naq li Qaawa' kixye re laj tza: —Us, maak'a' naxye. B'aanu li k'aru taawaj rik'in jo'nimal wank re, ab'anan laj Job maak'a' taab'aanu re, chan li Qaawa'. Chirix a'an laj tza ki'elk rik'in li Qaawa'.

1 Reyes 22:22

Kichaq'ok li musiq'ej: «Tinxik ut toxink'e li tik'ti' chi xtz'uumal reheb' chixjunileb' li propeet». Toja' naq li Qaawa' kixye re: «Us, ayu ut b'alaq'i laj Ajab. Ut taa'uxmanq jo' xaye», chan.

San Mateo 7:6

“Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

San Marcos 5:12

Ut eb' li tz'ajn aj musiq'ej ke'xtz'aama chiru li Jesus: —Taqlaho rik'ineb' li aaq re naq too'ok rik'ineb'.

San Marcos 5:14

Eb' laj ilol reheb' ke'elelik, koxe'xye resil sa' li tenamit ut sa'atqeb' li k'aleb'aal; ut eb' li poyanam ke'chalk chi rilb'al li kik'ulmank.