San Marcos 4:19 - Q'eqchi Bible

¹⁹ ab'an li k'oxlak chirix li k'a'aq re ru wank sa' ruuchich'och', li nab'alaq'ink wi' li b'ihomal ut li ratawankil li k'a'aq chik re ru na'ok sa' xch'ooleb', naxnat' li Aatin ut ink'a' chik na'uuchink xb'aan.

Li Santil hu

¹⁹ Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios reheb.

San Marcos 4:19 ပူးပေါင်းရင်းမြစ်များ

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

San Mateo 19:23

Toja' naq li Jesus kixye reheb' li xtzolom: —Relik chi yaal ninye eere naq junaq b'ihom q'axal ch'a'aj naq taa'ok sa' li xnimajwal wankilal li choxa.

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

San Lucas 10:41

Kichaq'ok li Qaawa' ut kixye re: —Marta, Marta, nakapoxle aawib' ut yo laak'a'uxl chirix naab'al laak'anjel;

Isaías 5:4

K'a' raj chik ru xinb'aanu re li wawimq? Malaj wank k'aru ink'a' xinb'aanu re? Xwoyb'eni ki'il uub'; k'a'ut naq junes ra re li uub' xk'e?

Isaías 5:2

Kixpiki li ch'och', kirisiheb' li pek chisa' ut kiraw li iyaj jwal chaab'il. Sa' xyi li rawimq kixkab'la jun najt xteramil ochoch ut kixyiib' jun xna'aj re xyatz'b'al li uub'. Li wamiiw kiroyb'eni li uub' q'axal ki', ab'anan junes ra re li uub' kiruuchin.

2 Pedro 1:8

Wi wank li k'a'aq re ru a'in eerik'in ut chi numtajenaq, moko texwanq ta chi maak'a' rajb'al leeyu'am, chi moko chi ink'a' ta taa'uuchinq li xnawb'al ru li Jesukriist, li Qaawa'.

2 Timoteo 4:10

laj Demas xinxkanab' xb'aan xrahinkil ru li ruuchich'och' a'in ut xkoho Tesalónika. Laj Crescente xkoho Galacia; laj Tito xkoho Dalmacia.

Eclesiastés 4:8

Qayehaq: li junaatal winq, li maak'a'eb' ramiiw, li maak'a' xkok'al chi moko ras riitz'in, ut ink'a' nahilank chi k'anjelak chi moko nak'ojlaak xch'ool rik'in li xnimal xb'ihomal. Li winq a'an maajun sut naxpatz' sa' xch'ool: “Ani aj e li nintawasi wi' wib'? K'a'ut naq ink'a' ninyal xsahil li k'aru nink'anjela?”. A'in ajwi' maak'a' rajb'al ut ink'a' us.

San Judas 1:12

Eb' a'in xutaanal ajwi' rilb'aleb' naq wankeb' sa' eeyanq sa' leeloq'laj ninq'e: neke'wa'ak neke'uk'ak sa' eeyanq chi maak'a'eb' xxutaan, yookeb' chi xch'oolaninkileb' rib' xjuneseb'. Jo'keb' li choql li maak'a' hab' chisa', taqen kub'eneb' xb'aan li iq', chanchaneb' li che' maak'a'eb' li ru sa' xq'ehil, ka' wa kamenaqeb', mich'b'il li xxe'eb';

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

Proverbios 23:5

xb'aan naq sa' junpaat naxik jo' naxik'ank li t'iw. Wi relik chi yaal toxaawil li b'ihomal, sa' junpaat taasachq chawu.

Proverbios 23:4

Maatawasi aawib' chirix li b'ihomal, maakamsi aawib' chi xk'oxlankil a'an,

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

San Marcos 4:18

Wankeb' chik li neke'xk'ul li iyaj sa' k'ix ru: a'aneb' li xe'rab'i li Aatin,

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

Efesios 6:12

Xb'aan naq moko yooko ta chi xyalb'al qametz'ew yal rik'in winq, rik'ineb' b'an li wankeb' xwankil, eb' li neke'taqlank ut neke'awab'ejink sa' xb'een li ruuchich'och' a'in li wank sa' aak'ab', rik'ineb' li maa'us aj musiq'ej li wankatqeb' taqe'q.