San Marcos 4:12 - Q'eqchi Bible

¹² re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.

Li Santil hu

¹² Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal. Ta̱uxma̱nk chi joꞌcan re nak incꞌaꞌ teꞌxyotꞌ xchꞌo̱leb ut incꞌaꞌ teꞌxjal xcꞌaꞌuxeb ut incꞌaꞌ ta̱cuyekꞌ xma̱queb.—

San Marcos 4:12 ပူးပေါင်းရင်းမြစ်များ

Isaías 44:18

Eb' li poyanam a'an, maak'a' neke'xnaw chi moko neke'xtaw ru. Tz'aptz'o xsa' ruheb' ut maak'a' neke'ril; maak'a' xna'leb'eb' ut ink'a' neke'xtaw ru.

Jeremías 5:21

«Ab'ihomaq li esil a'in, ex jip aj tenamit ut maak'a' eena'leb'! Wank xsa' leeru, ab'an maak'a' nekeril; wank leexik, ut ink'a' nekex'ab'ink.

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Hebreos 6:6

wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl, xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

Ezequiel 12:2

“At kaamel winq, wankat sa' xyanqeb' jun q'etq'etil tenamit: wank xsa' ruheb' ut ink'a' neke'ilok, wank xxikeb' ut ink'a' neke'ab'ink, xb'aan naq q'axal aj q'etoleb' aatin.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Isaías 43:8

“Isihomaq chaq lintenamit: a'an mutz' aj tenamit, us ta wank xsa' ruheb', ut tz'apxikeb', us ta wank xxikeb' re ab'ink.

Jeremías 36:3

Mare anchal eb' laj Judá te'rab'i chixjunil li rahilal xink'oxla xb'aanunkil reheb', te'xyot' xch'ool te'xjal xk'a'uxl ut laa'in tinkuy tinsach li xmaakeb'”.

San Marcos 8:18

Wank xsa' eeru ut ink'a' nekex'ilok, wank eexik ut ink'a' nekex'ab'ink? Ma ink'a' wank sa' eech'ool