San Marcos 4:11 - Q'eqchi Bible

¹¹ Ut a'an kixye reheb': “K'eeb'il eere laa'ex xnawb'al xyaalal li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik chixjunil nak'eemank sa' jaljookil ru aatin

Li Santil hu

¹¹ Ut li Jesús quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual xcuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb.

San Marcos 4:11 ပူးပေါင်းရင်းမြစ်များ

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Ts 4:12

re naq chaab'ilaq leeyu'am chiruheb' li maawa'eb' kristiyan, ut maa'ani teech'i'ch'i'i.

Colosenses 4:5

Chiwanq eena'leb' sa' xyanqeb' li maawa'eb' kristiyan, ut meekoleb' li kutan a'in.

1 Timoteo 3:7

Tento ajwi' naq chaab'il resil taayehe'q chirix xb'aaneb' li ink'a' neke'paab'ank, re naq ink'a' chit'ane'q sa' xutaan ut sa' xra'al laj tza.

Efesios 1:9

Kixk'e chiqanaw li xmuqmuukil na'leb', li ki'alaak sa' xch'ool ut kixk'uub' sa' xk'ab'a' li Kriist,

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

San Mateo 16:17

Toja' naq li Jesus kixye re: —Us xaq aawe, a Simón, ralalat laj Jonás, xb'aan naq moko a' ta li tz'ejwalej chi moko li kik'elej xk'utuk chawu a'in, a' b'an linchoxahil Yuwa'.

San Mateo 13:16

“Ab'an us xaq reheb' xsa' leeru xb'aan naq neke'ilok; us xaq reheb' leexik xb'aan naq neke'ab'ink.

1 Corintios 4:7

xb'aan naq ani xsik'ok aawu chiruheb' chixjunil? K'aru wank aawe chi ink'a' ta aak'ulum? Ut wi yal aak'ulum, k'a' put naq nakanimob'resi aawib' chanchan naq moko aak'ulum ta?

San Marcos 3:23

Toja' naq li Jesus kixb'oqeb' chaq ut kixye reheb' sa' jaljookil ru aatin: “Chanru naq laj tza taarisi laj tza?

San Marcos 4:2

Ut naab'al li na'leb' kixtzoleb' wi' sa' jaljookil ru aatin. Kixye reheb' chi jo'kan naq yo chi xtzolb'aleb':

San Marcos 4:10

Naq kikanaak xjunes li Jesus, eb' li ke'kanaak rik'in rochb'eeneb' li Kab'laju ke'xpatz' re xyaalalil eb' li jaljookil ru aatin.