San Marcos 3:9 - Q'eqchi Bible

⁹ Jo'kan naq kixye reheb' li xtzolom naq kawresinb'ilaq junaq ch'ina jukub' re naq ink'a' taanat'e'q xb'aaneb' li k'iila tenamit:

Li Santil hu

⁹ Joꞌcan nak li Jesús quixye reheb lix tzolom nak teꞌxcauresi junak li jucub. Ac cua̱nk aran re ta̱cua̱nk chi saꞌ re nak incꞌaꞌ ta̱natꞌekꞌ xbaneb li qꞌuila tenamit.

San Marcos 3:9 ပူးပေါင်းရင်းမြစ်များ

San Juan 6:15

A'ut li Jesus kixk'e reetal naq chalkeb' re chi xk'amb'al re te'xk'e cho'q awab'ej; jo'kan naq ki'elelik wi' chik sa' li tzuul xjunes.

San Marcos 5:30

Li Jesus tikto kireek'a li wankilal ki'elk rik'in: kixsutq'isi rib' sa' xyanqeb' li tenamit ut kixye: —Ani xch'e'ok re li waq'?

San Mateo 15:39

Chirix chik a'an kixchaq'rab'iheb' li tenamit, ki'ok sa' li jukub' ut koho sa' xteepal Magadán.

San Marcos 4:1

Ki'ok wi' chik chi xtzolb'aleb' li tenamit chire li palaw, ut q'axal naab'aleb' ke'ch'utlaak rik'in: jo'kan naq ki'ok ut kik'ojlaak sa' jun li jukub', sa' li palaw.

San Marcos 4:36

Ut naq ak xe'xchaq'rab'iheb' li tenamit, ke'xk'am li Jesus sa' li jukub' b'arwi' wank; wankeb' jalanatq chik jukub' ke'ochb'eenink re.

San Marcos 5:2

Ka'ajwi' ki'elk li Jesus sa' li jukub' naq jun winq li wank tz'ajn aj musiq'ej rik'in ki'elk chaq sa'eb' li muqleb'aal kamenaq ut kolxk'ul.

San Marcos 6:32

Ut ke'ok sa' jun li jukub' ut koheb' sa' jun li na'ajej wank xjunes.

San Lucas 5:1

Naq wan chaq li Jesus chire li palaw Genesaret xk'ab'a' ut eb' li tenamit yookeb' chi xtiikisinkil rib' sa' xb'een re rab'inkil Raatin li Yos,

San Lucas 5:3

Kitaqe'k li Jesus sa' jun li jukub', a' li re laj Simón, ut kixtz'aama chiru naq tixnajtob'resi kach'inaq rik'in li ch'och'; kik'ojlaak sa' li jukub' ut ki'ok chi xtzolb'aleb' li tenamit.