San Marcos 3:22 - Q'eqchi Bible

²² Eb' laj tz'iib' li ke'kub'e chaq Jerusalén ke'xye: “Wank laj Beelsebul rik'in”. Jo'kan ajwi': “Rik'in xwankilal li xyuwa'ileb' laj tza narisiheb' laj tza”, chankeb' re.

Li Santil hu

²² Ut eb laj tzꞌi̱b li queꞌchal chak Jerusalén yo̱queb chixyebal: —Laj tza cuan riqꞌuin li Jesús ut saꞌ xcꞌabaꞌ laj tza narisiheb li ma̱us aj musikꞌej, chanqueb.

San Marcos 3:22 ပူးပေါင်းရင်းမြစ်များ

San Mateo 15:1

Toja' naq ke'wulak rik'in li Jesus jun ch'uuteb' aj Pariseey ut aj tz'iib', ke'chalk chaq Jerusalén, ut ke'xpatz' re:

San Mateo 10:25

Tz'aqalaq cho'q re li toj yo chi tzolok naq jo'aq laj tzolol re, ut laj k'anjel jo'aq laj eechal re. Wi aj Beelsebul kiyehe'k re laj eechal kab'l, ma toja' ta chik li wankeb' sa' li rochoch?

San Mateo 12:24

Ab'anan eb' laj Pariseey, naq ke'rab'i a'an, ke'xye: “Ch'olch'o naq a'in narisiheb' laj tza rik'in xwankilal laj Beelsebul, li xyuwa'ileb' laj tza”.

San Mateo 9:34

Ab'anan eb' laj Pariseey ke'xye: —Rik'in xwankilal li xyuwa'ileb' laj tza narisiheb' laj tza.

San Juan 7:20

Ke'chaq'ok li tenamit: —Aj tza wank aawik'in! Ani taa'ajoq aakamsinkil, chankeb'.

San Juan 8:52

Kiyehe'k ut re xb'aaneb' laj Judiiy: —Anaqwan naqanaw naq wank aj tza aawik'in. Laj Abrahán kikamk, jo'kaneb' ajwi' eb' li propeet, ut laa'at nakaye: «Wi junaq tixk'e xch'ool chirix li waatin, ink'a' tixyal li kamk chi junajwa».

San Juan 8:48

Ke'chaq'ok eb' laj Judiiy: —Yaal ajwi' naqaye naq laa'at aj Samaria ut aj tza wank aawik'in, chankeb'.

San Lucas 11:15

Ab'anan wank sa' xyanqeb' ke'yehok: “Rik'in xwankilal laj Beelsebul, li xyuwa'ileb' laj tza, narisiheb' laj tza”.

San Marcos 7:1

Ke'xch'utub' rib' rik'in li Jesus eb' laj Pariseey jo'wi' eb' laj tz'iib' li ke'chalk chaq Jerusalén.

San Mateo 11:18

Xk'ulunk laj Jwan li ink'a' nawa'ak chi moko na'uk'ak, ut xe'xye: «Aj tza wank rik'in».

San Juan 10:22

Sa'eb' li kutan a'an aran Jerusalén naninq'ehimank li xq'axtesinkil li rochoch li Yos sa' ruq' li Qaawa', jo' rajlal chihab'. Yo li hab'alq'e

San Lucas 5:17

Sa' jun li kutan li Jesus yo chi xtzolb'aleb' li tenamit ut wankeb' aj Pariseey ut aj nahol Chaq'rab' k'ojk'ookeb' aran, chalenaqeb' chaq sa' chixjunil li xsutam Galilea ut Judea, jo'wi' Jerusalén. Ut li xwankil li Qaawa' nak'ehok re chi k'irtasink.

Salmos 22:6

Ke'xyaab'a laak'ab'a' ut ke'kole'k; ke'xk'ojob' xch'ool aawik'in ut ink'a' ke'b'alaq'iik.

2 Reyes 1:2

Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.