San Marcos 3:10 - Q'eqchi Bible

¹⁰ xb'aan naq naab'aleb' li kixk'irtasiheb', ut eb' li wankeb' xrahilal neke'xmululi rib' sa' xb'een chi xch'e'b'al.

Li Santil hu

¹⁰ Xban nak nabal ac xqꞌuirtesi, joꞌcan nak li qꞌuila tenamit yo̱queb chixtiquisinquil ribeb. Teꞌraj teꞌxchꞌeꞌ li Jesús re nak teꞌqꞌuira̱k.

San Marcos 3:10 ပူးပေါင်းရင်းမြစ်များ

San Marcos 6:56

Ut yalaq b'ar kox'okaq wi', sa'atqeb' li xninqal ut kok' tenamit jo' ajwi' sa'atqeb' li k'aleb'aal, neke'xk'e eb' li yaj sa'eb' li xalaab'e ut neke'xtz'aama chiru naq ka'aj taxaq re li raq' te'xch'e'. Ut li jo'k'ihal ke'ch'e'ok re, nalaje'k'iraak.

San Mateo 14:36

Ke'xtz'aama chiru naq ka'aj taxaq re li raq' te'xch'e'; ut li jo'k'ihal ke'ch'e'ok re, ke'k'iraje'k.

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

Hechos 5:15

neke'xk'ameb' li yaj sa'atqeb' li xaalib'e ut neke'xk'eheb' sa' ch'aat jo'wi' sa' kok' warib'aal re naq, jo'q'e taanume'q laj Pedro, ka'aj taxaq li xmu chimuheelanq re junjunqaq.

San Lucas 7:2

Aran wank jun xjolomileb' laj puub' wank jun xmoos li q'axal naxra, yaj ut kamk re.

Hebreos 12:6

Li Qaawa' naxtij li naxra, ut naxk'e chi tz'uum chixjunileb' li ralal li naxk'uleb' rik'in”.

San Marcos 5:34

Ut li Jesus kixye re: —At inrab'in, laapaab'aal xkolok aawe. Ayu sa' tuqtuukil usilal ut kanaaq chi k'irajenaq laarahilal.

San Mateo 14:14

Naq li Jesus ki'elk chaq sa' li jukub', kiril naab'aleb' li tenamit, kixtoq'ob'a ruheb' ut kixk'irtasiheb' li yaj wankeb' sa' xyanqeb'.

San Mateo 12:15

Ab'an li Jesus, naq kixnaw a'in, ki'elk aran. Ut kitaaqeek xb'aaneb' naab'al li tenamit, ut kixk'irtasiheb' chixjunil.

Números 11:33

Ab'an, toj wank ajwi' li xtib'el laj tonq' sa' reheb', naq kichalk xjosq'il li Qaawa' sa' xb'een li tenamit ut kixrahob'tesiheb' rik'in jun xnimal rahilal.

Génesis 12:17

Ab'an li Qaawa' Yos kixk'e sa' nimla rahilal laj Parahón rochb'eeneb' li wankeb' sa' rochoch xb'aan lix Saray, rixaqil laj Abrán.

San Marcos 8:22

Naq ke'wulak Betsaida, ke'xk'am chaq rik'in li Jesus jun li mutz' ut ke'relaji naq chixch'e'aq.

San Lucas 5:3

Kitaqe'k li Jesus sa' jun li jukub', a' li re laj Simón, ut kixtz'aama chiru naq tixnajtob'resi kach'inaq rik'in li ch'och'; kik'ojlaak sa' li jukub' ut ki'ok chi xtzolb'aleb' li tenamit.

San Lucas 6:19

Chixjunil li tenamit neke'xsik' chan raj ru naq te'xch'e' li Jesus, xb'aan naq na'elk chaq rik'in jun li wankilal li naxk'irtasi chixjunileb'.

San Lucas 7:21

Sa' li honal a'an li Jesus kixk'irtasi naab'aleb' li yaj, li wankeb' sa' rahilal ut li wankeb' maa'us aj musiq'ej rik'in; kixk'e ajwi' chi ilok naab'aleb' li mutz'.