San Marcos 2:26 - Q'eqchi Bible

²⁶ Ki'ok sa' rochoch li Yos naq wank laj Abiatar cho'q xyuwa'il aj tij, ut kixtzeka li mayejanb'il wa li maajun naru taawa'oq re, ka'ajwi' eb' laj tij; ut kixk'e ajwi' reheb' li rochb'een.

Li Santil hu

²⁶ Nak quicuan laj Abiatar chokꞌ xyucuaꞌileb aj tij, laj David qui-oc saꞌ li rochoch li Dios. Cuan aran li mayejanbil caxlan cua. Juneseb laj tij naru nequeꞌxcuaꞌ li caxlan cua aꞌan. Abanan laj David quixcuaꞌ li caxlan cua li quiqꞌueheꞌ re xban laj tij ut quixqꞌue ajcuiꞌ reheb li rochben xban nak teꞌtzꞌoca̱k, chan.

San Marcos 2:26 ပူးပေါင်းရင်းမြစ်များ

2 Samuel 8:17

Laj Sadok, ralal laj Ajitub, ut laj Abiatar, ralal laj Ajimélek, a'aneb' laj tij; ut laj Seraías a'an laj tz'iib'.

1 Crónicas 24:6

Laj Semaías aj tz'iib', ralal laj Natanael, aj Leví, a'an li kitz'iib'ank re li xk'ab'a'eb' chiru li awab'ej ut chiruheb' laj taqlanel, chiru laj Sadok aj tij, chiru laj Ajimélek, ralal laj Abiatar, ut chiruheb' li xjolomileb' junkab'al reheb' laj tij ut eb' laj Leví. Ka' sut ke'b'uuliik rixeb' li ralal xk'ajol laj Elehasar ut jun sut ajwi' ke'b'uuliik rixeb' li ralal xk'ajol laj Itamar.

1 Samuel 21:1

Laj David kiwulak Nob, b'arwi' wank laj Ajimélek laj tij. A'in kisachk xch'ool chi rilb'al laj David ut kixpatz' re: “K'a'ut naq aajunes xatchalk, chi maajun na'ochb'eenink aawe?”, chan.

1 Reyes 4:4

laj Benaías, ralal laj Johadá, xjolomileb' laj puub'; laj Sadok ut laj Abiatar, aj tijeb';

1 Reyes 2:22

Kichaq'ok li awab'ej ut kixye re li xna': “K'a'ut naq yookat chi xtz'aamankil lix Abisag aj Sunam cho'q rixaqil laj Adonías? Ka'aj chik maa taapatz' we xq'axtesinkil li awab'ejihom, xb'aan naq a'an was ut laj Abiatar laj tij ut laj Johab, ralal lix Sarbia, neke'okenk chirix!”.

1 Reyes 1:7

Kixk'am rib' sa' aatin rik'in laj Johab, ralal lix Sarbia, ut rik'in laj Abiatar laj tij, li neke'okenk chirix.

2 Samuel 20:25

Laj Seraías a'an laj tz'iib'; laj Sadok ut laj Abiatar a'aneb' laj tij.

2 Samuel 15:35

Aran wankeb' laj Sadok ut laj Abiatar aj tijeb'. Jo'kan naq jo'ch'inal jo'nimal taawab'i sa' rochoch li awab'ej, taaye reheb' chi junelik.

2 Samuel 15:29

Jo'kan naq laj Sadok ut laj Abiatar ke'xk'am wi' chik li xLoq'laj Kaax li Yos Jerusalén ut aran ke'kanaak.

2 Samuel 15:24

Yookeb' ajwi' chi xik rochb'een a'an, laj Sadok ut chixjunileb' laj Leví, yookeb' chi xk'amb'al li xLoq'laj Kaaxil li xSumwank li Yos. Koxe'xk'e li Loq'laj Kaax chi xk'atq laj Abiatar toj reetal ke'elk sa' li tenamit chixjunileb' li poyanam.

1 Samuel 23:9

Ab'an laj David naq kixnaw naq laj Saúl yo chi xk'uub'ankil li xkamik, kixye re laj Abiatar laj tij: “K'am chaq li efod”;

1 Samuel 23:6

Naq laj Abiatar, ralal laj Ajimélek, koho eelel wan wi' laj David, kikub'eek aran Kehilá chi wank li efod sa' ruq'.

San Mateo 12:4

chanru naq ki'ok sa' rochoch li Yos ut ke'xtzeka li mayejanb'il wa li ink'a' naru tixwa' a'an chi moko eb' li rochb'een, ka'ajwi' eb' laj tij?

San Marcos 2:25

Kixye li Jesus reheb': —Ma maajun wa eerilom sa' li Santil Hu k'aru kixb'aanu laj David naq kiwank sa' rajb'al ru, naq kitz'okaak a'an jo'wi' eb' li rochb'een?