San Marcos 2:20 - Q'eqchi Bible

²⁰ Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq, sa' li kutan a'an.

Li Santil hu

²⁰ Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

San Marcos 2:20 ပူးပေါင်းရင်းမြစ်များ

San Lucas 17:22

Ut kixye reheb' li xtzolom: —Taawulaq xq'ehil naq teerahi rilb'al yal ta junaq reheb' li xkutankil li K'ajolb'ej, ab'anan ink'a' teeril.

Apocalipsis 21:9

Toja' naq kichalk jun reheb' li wuqub' chi ánjel li wankeb' chaq rik'in li wuqub' chi sek' nujenaqeb' rik'in li wuqub' chi rahilal chaalel sa' roso'jik; kinraatina ut kixye: “Kim, ink'utaq chawu li Ixaqilb'ej, li rixaqil li Karneer”.

Apocalipsis 19:7

Choosaho'q, chik'utunq xsahil qach'ool ut chiqak'e xnimal xloq'al, xb'aan naq xtaw xq'ehil xsumlajik li Karneer. Li rixaqil ak xkawresi rib'

2 Corintios 11:27

Xinlub'je'k ut xintawasi wib' chi k'anjelak; k'iila q'oqyink xinyo'lek, xintz'okaak ut xchaqik we, k'iila wa xinkuyatq intz'okajik, xinkuy li ke ut li t'usam.

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

1 Corintios 7:5

Meeram li wank cherib'il eerib'; naru teekuy eerib' wi xek'uub' a'an sa' wiib'al, yal chiru jarub'aq kutan, re naq teek'e eech'ool chi tijok. Ab'anan moqon teelaq'ab' wi' chik eerib' re naq mexraale laj tza sa' xk'ab'a' naq ch'a'aj xkuyb'al eerib'.

Hechos 14:23

Sa' li junjunq chi Iklees ke'xxaqab' xcheekel winqilaleb' ut, naq ak ke'tijok ut ke'ayuunik, ke'xq'axtesiheb' sa' ruq' li Qaawa', a' li xaqxo wi' li xpaab'ahomeb'.

Hechos 3:21

A'an tento tkanaaq wan sa' choxa toj sa' li honal taa'ak'ob'resiiq wi' chixjunil li k'a'aq re ru, jo' kixye chaq li Yos chi xtz'uumal reheb' li xsantil propeet.

Hechos 1:9

Ut naq kiraqe'k chi xyeeb'al li aatin a'in, kitaqsiik naq eb' a'an yookeb' chi ilok; ut jun li choql kimuquk re chiruheb'.

San Juan 17:13

“Anaqwan xik we aawik'in; ut ninye a'in naq toj wankin sa' ruuchich'och' re naq chiwanq rik'ineb' li xsahil inch'ool chi tz'aqal re ru.

San Juan 17:11

“Ink'a' chik tinwanq sa' li ruuchich'och', a'ut eb' a'an wankeb' sa' ruuchich'och', ut laa'in xik we aawik'in. At inSantil Yuwa', rik'in xwankil laak'ab'a' chawileb' li xak'eheb' we, re naq junaqeb' a'an jo' naq juno laa'o chiqib'il.

San Juan 16:28

Kin'elk chaq rik'in li Yuwa'b'ej ut kinchalk sa' ruuchich'och'; anaqwan tinkanab' li ruuchich'och' ut tinsutq'iiq wi' chik rik'in li Yuwa'b'ej”.

San Juan 16:7

Ab'anan a' li yaal ninye eere: us cho'q eere naq tinxik, xb'aan naq wi ink'a' tinxik, moko taachalq ta eerik'in laj K'ojob'anel ch'ool; ut wi tinxik, tintaqla chaq a'an eerik'in.

San Juan 13:33

“Ex walal ink'ajol, yal jun k'amok aj chik tinwanq eerik'in. Laa'ex tineesik'. Jo' xinye reheb' laj Judiiy, jo'kan ajwi' tinye eere anaqwan: B'arwi' xik we laa'in, ink'a' texruuq chi xik laa'ex.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

San Mateo 26:31

Ut li Jesus kixye reheb': —Chejunilex taaluktaaq eech'ool sa' ink'ab'a' chiru li q'oqyink a'in, xb'aan naq tz'iib'anb'il: «Tintiq' laj ilol ketomq, ut eb' li karneer te'xcha'cha'i rib'eb'».

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Isaías 62:5

Jo' naq li saaj winq nasumlaak rik'in li tuq'ixq, jo'kan ajwi' naq taasumlaaq aawik'in laj Kab'lanel aawe. Jo' xsahil xch'ool li b'eelomej xb'aan li xsumraanm, jo'kanaq ajwi' laaYos aawik'in.

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Cantares 3:11

Ex rixqilal Sión, elenqex chaq chi rilb'al laj Salomón li awab'ej: wank sa' xjolom li koroon li kik'ehe'k re xb'aan li xna' sa' xkutankil li xsumlajik, sa' li kutan li q'axal kisaho'k wi' xch'ool.

Salmos 45:11

Ab'i, at inrab'in, chak'e reetal, q'esaq laaxik chi wab'inkil: Chatz'eq chirix aach'ool laatenamit jo'wi' laana' laayuwa';

2 Corintios 6:5

li rape'k chi tz'uum, li wank sa' tz'alam, li mululij ib', li tawasiik, li yo'lek ut li kuyuk tz'okaak.

San Juan 12:8

Xb'aan naq eb' li neb'a' junelik wanqeb' eerik'in, a'ut laa'in moko junelik ta wanqin eerik'in.

San Mateo 9:15

Kixye li Jesus reheb': —Ma truuq tab'i' te'wanq chi raheb' sa' xch'ool li b'oqb'ileb' rik'in sumlaak wi toj wank li b'eelomej rik'ineb'? Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq.

San Marcos 2:19

Li Jesus kixye reheb': —Ma truuq tab'i' te'ayuuniq li b'oqb'ileb' rik'in sumlaak wi toj wank li b'eelomej rik'ineb'? Naq toj wank li b'eelomej rik'ineb', ink'a' naru neke'ayuunik.

San Marcos 2:21

“Maajun nab'ojok junaq ak' xiitil chiru li q'eel t'ikr. Wi ta jo'kan, li ak' xiitil tixq'uy li q'eel t'ikr ut taanimanq li xq'ichilal.

San Lucas 5:35

Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq, sa'eb' li kutan a'an.