San Marcos 2:12 - Q'eqchi Bible

¹² Ak taawakliiq chi junpaat li sik, kixxok li xch'ina ch'aat ut ki'elk aran chiru chixjunil li tenamit: q'axal sachsookeb' xch'ool ke'kanaak chixjunileb' ut ke'xnima ru li Yos: “Maajun wa qilom a'in”, chankeb'.

Li Santil hu

¹² Ut li cui̱nk sic nak quicuan ac ta̱cuacli̱k. Quixchap lix cuariba̱l ut ac ta̱e̱lk chiruheb chixjunil li tenamit. Ut riqꞌuin aꞌin chixjunileb queꞌsach xchꞌo̱l. Queꞌxqꞌue xlokꞌal li Dios ut queꞌxye: —Ma̱ jun cua kilom aꞌin, chanqueb.

San Marcos 2:12 ပူးပေါင်းရင်းမြစ်များ

San Mateo 9:33

Naq ki'isiik laj tza, ki'ok chi aatinak li mem, ut eb' li tenamit ke'sachk xch'ool chi rilb'al: —Maajun wa x'ilmank a'in arin Israel, chankeb'.

San Mateo 9:8

Naq ke'ril a'in li tenamit, ke'xiwak ut ke'xnima xloq'al li Yos li kik'ehok li nimla wankilal a'in reheb' li winq.

San Lucas 7:16

K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

Hechos 4:21

Li xb'eenileb' li tenamit ke'xxib'esi wi' chik laj Pedro ut laj Jwan ut ke'rach'ab'eb', xb'aan naq ink'a' neke'xtaw chan ta ru xrahob'tesinkileb'; neke'xxiwa ajwi' ruheb' li tenamit, xb'aan naq chixjunileb' neke'xnima ru li Yos chirix li xk'ulmank.

San Juan 9:32

Maajun wa ab'inb'il resil junaq winq tixte xsa' ru junaq mutz' chalen chaq sa' xyo'lajik.

San Juan 7:31

Naab'aleb' sa' xyanqeb' li tenamit ke'paab'ank re, yookeb' chi xyeeb'al: —Naq taak'ulunq li Kriist, ma tixb'aanu naab'al chik xninqal eetalil chiru li xb'aanu a'in?

San Lucas 17:15

Jun reheb' a'an kiril naq xk'iraak; jo'kan naq kisutq'iik chaq, yo chi xnimankil ru li Yos chi kaw xyaab' xkux;

San Lucas 13:13

Kixk'e li ruq' sa' xb'een, ut sa' junpaat kixtiikob'resi rib' li ixq ut ki'ok chi xnimankil ru li Yos.

San Lucas 5:26

Q'axal ke'sachk xch'ool chixjunileb'; ke'xnima ru li Yos ut ke'xye chi k'ajo'eb' xxiw: —Xninqal sachb'ach'oolej xqil anaqwan.

San Marcos 1:27

Chixjunileb' ke'kanaak chi sachsookeb' xch'ool ut neke'xpatz'i rib' chirib'ileb' rib': —K'aru a'in? A'an jun ak' na'leb', nak'utmank rik'in wankilal! Nataqlank ajwi' sa' xb'eeneb' li tz'ajn aj musiq'ej ut napaab'aak xb'aaneb'.

San Mateo 15:31

Jo'kan naq eb' li tenamit nalaje'sachk xch'ool chi rilb'al naq eb' li mem neke'aatinak chik, li toqoleb' k'irajenaqeb', li yeqeb' neke'b'eek ut eb' li mutz' neke'ilok chik. Ut ke'xnima xloq'al li xYos aj Israel.

San Mateo 12:23

K'ajo' naq ke'sachk xch'ool chixjunileb' li tenamit, yookeb' chi xyeeb'al: “Malaj a'an ta a'in li Ralal laj David?”

San Marcos 2:11

Aawe ninye, waklin, xok laach'ina ch'aat ut ayu sa' laawochoch.