San Marcos 16:1 - Q'eqchi Bible

¹ Naq kinume'k li sábado, lix María aj Magdala, lix María xna' laj Santiago, ut li xSalomé ke'xloq' sununkil b'an re naq toxe'xyul chirix li kamenaq.

Li Santil hu

¹ Nak quinumeꞌ li hiloba̱l cutan, lix María aj Magdala ut lix Salomé ut lix María xnaꞌ laj Jacobo queꞌxlokꞌ li sununquil ban re teꞌxic chixqꞌuebal saꞌ xbe̱n li camenak.

San Marcos 16:1 ပူးပေါင်းရင်းမြစ်များ

San Lucas 23:56

Chirix chik a'an ke'q'ajk, koxe'xkawresi sununkil b'an ut miir, ut ke'hilank sa' li sábado, jo' chanru naxye li xChaq'rab' laj Moisés.

San Marcos 15:40

Wankeb' ajwi' ixq yookeb' chaq chi ilok chi najt. Sa' xyanqeb' a'an wank lix María aj Magdala, lix María xna' laj Santiago li kach'in ut xna' ajwi' laj José, jo' ajwi' lix Salomé,

San Juan 19:31

Yo li Kawunk re li Paswa naq kik'ulmank a'an; jo'kan naq eb' laj Judiiy ke'xtz'aama chiru laj Pilaat naq che'toqe'q xb'aqeleb' li ra' eb' li winq ut che'isiiq aran, re naq ink'a' te'kanaaq li kamenaq chiru krus sa' sábado, xb'aan naq xnimal kutan li sábado a'an.

San Juan 19:25

Xaqxookeb' chi xk'atq li krus li xna' li Jesus, li xchaq'na' li xna', a' lix María, rixaqil laj Kleopás, ut lix María aj Magdala.

San Marcos 16:8

Eb' a'an ke'elk sa' li muqleb'aal sa' aanil, xb'aan naq neke'siksotk ut sachsookeb' xna'leb'; ut maa'ani ke'raatina sa' b'e xb'aan xxiweb'.

San Marcos 15:47

Lix María aj Magdala ut lix María xna' laj José yookeb' chi xk'eeb'al reetal b'ar xkanaak.

San Marcos 14:8

Xb'aanu jo'ch'inal jo'nimal xru xb'aanunkil: xyul chi junxilaj linjunxaqalil re linmuqb'al.

San Marcos 14:3

Wan chaq Betania li Jesus, sa' rochoch laj Simón li saqlep rix, yo chi hilank sa' meex. Toja' naq kichalk jun li ixq: kixk'am chaq jun saqi meet chi sununkil b'an, tz'aqal naard wank chisa' ut q'axal terto xtz'aq; kixjor li meet ut kixhoy li b'an sa' xjolom li Jesus.

2 Crónicas 16:14

ut kimuqe'k sa' li xmuqleb'aal kixk'e chi yiib'aak sa' xtenamit laj David. Ke'xk'e sa' xb'een jun li ch'aat nujenaq chi k'iila paay chi sununkil b'an, k'uub'anb'ileb' chi chaab'il, ut ke'xloch jun nimla xam sa' xk'ab'a' li kamenaq.

San Lucas 23:54

Yo li Kawunk ut ak tiklaak re li sábado.

San Marcos 15:42

Sa' li kutan a'an yo li Kawunk xb'aan naq wulajaq li sábado.

Génesis 50:2

Chirix chik a'an kixtaqlaheb' laj b'anonel aj k'anjeleb' chiru chi xyulb'al li xyuwa' sa' sununkil b'an. Ut eb' laj b'anonel ke'xb'aanu chi jo'ka'in.

San Marcos 16:2

Toj eq'la chi us, sa' li xb'een kutan re li xamaan, ak xhik'e'k, koheb' wan wi' li muqleb'aal,

San Lucas 24:1

Sa' li xb'een kutan re li xamaan, toj eq'la chi us, koheb' li ixq sa' li muqleb'aal ut ke'xk'am li sununkil b'an li k'uub'anb'il xb'aaneb'.