San Marcos 13:9 - Q'eqchi Bible

⁹ “A'ut laa'ex cherilaq eerib'. Texq'axtesiiq sa' ruq'eb' li xninqaleb' ru aj raqol aatin jo'wi' sa' ruq'eb' laj jolominel reheb' li ch'utleb'aal kab'l; texsak'e'q ut texxaqab'aaq chiruheb' li ninqeb' xwankil ut eb' li awab'ej sa' ink'ab'a', re xch'olob'ankil li yaal chiruheb'.

Li Santil hu

⁹ Aꞌut la̱ex cheqꞌuehak retal li raylal ta̱cha̱lk saꞌ e̱be̱n. Texkꞌaxtesi̱k chiruheb laj rakol a̱tin ut texsaqꞌuekꞌ saꞌ li cab li nequeꞌxchꞌutub cuiꞌ ribeb laj judío. Texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in ut ta̱ru̱k te̱chꞌolob xya̱lal li cua̱tin chiruheb.

San Marcos 13:9 ပူးပေါင်းရင်းမြစ်များ

San Juan 16:2

Tex'isiiq sa'eb' li ch'utleb'aal kab'l. Ut taawulaq ajwi' xhonal naq yalaq ani taakamsinq eere tixk'oxla naq yo chi xloq'oninkil ru li Yos.

San Marcos 13:5

Ut li Jesus kixtikib' xyeeb'al reheb': “Chek'ehaq reetal re naq maa'ani chib'alaq'inq eere.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

2 Ts 1:5

A'in reetalil li raqb'a aatin naxb'aanu li Yos sa' tiikilal; reetalil ajwi' naq eek'ulub' ok sa' li xnimajwal awab'ejihom li Yos: sa' xk'ab'a' ajwi' a'an yookex chi xk'ulb'al li rahilal.

Filipenses 1:29

Xb'aan naq laa'ex k'eeb'il eemaatan sa' xk'ab'a' li Kriist, moko ka'aj ta wi' re xpaab'ankil li Kriist, re aj b'an wi' xk'ulb'al li rahilal sa' xk'ab'a' A'an;

Hechos 21:11

A'an kijilok chi qak'atq, kixchap li xk'aamal xsa' laj Pablo ut kixb'ak' rib' jo' li roq ut li ruq'; toja' naq kixye: —A'in naxye li Santil Musiq'ej: Jo'ka'in naq taab'ak'iiq li winq aj eechal re li k'aamalsa' a'in xb'aaneb' laj Judiiy aran Jerusalén, ut taaq'axtesiiq sa' ruq'eb' li junch'ol chik.

Hechos 9:16

Ut laa'in tink'ut chiru jo'ch'inal jo'nimal tento tixkuy sa' ink'ab'a'”.

Hechos 7:54

Naq ke'rab'i a'an, k'ajo' naq ke'chalk xjosq'il sa' xch'ooleb', ut neke'xk'uxuxi ruuch reheb' sa' xb'een laj Esteban.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

San Lucas 9:5

Ut wi junaq ink'a' taak'uluq eere, naq tex'elq sa' li tenamit a'an, chechiq'aq li pojtz' wank cheroq re xch'olob'ankil li xmaakeb'.

San Marcos 6:11

ut b'arwi' ink'a' texk'ule'q chi moko tex'ab'iiq, naq tex'elq aran, chechiq'aq li pojtz' wank cheroq re xch'olob'ankil li xmaakeb'.

San Marcos 1:44

—Il, maa'ani aj e chaye a'in; ayu b'an, k'ut aawib' chiru laj tij ut tatmayejaq chirix laak'irajik jo' naxye li xChaq'rab' laj Moisés, re naq ch'olch'ooq chiruheb'.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

San Marcos 13:8

Xb'aan naq te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej; talaje'wanq hiik sa' naab'al chi na'ajej ut taawanje'q we'ej: a'inaq xtiklajik li nimla rahilal.

2 Juan 1:8

K'ehomaq reetal, meek'e chi sachk ru leek'anjel, wi tz'aqalaq re ru xq'ajkamunkil leek'anjel teeraj xk'ulb'al.