San Marcos 13:8 - Q'eqchi Bible

⁸ Xb'aan naq te'waklije'q chi xkamsinkil rib'eb' tenamit rik'in jalan chik tenamit, li awab'ej rik'in jalan chik awab'ej; talaje'wanq hiik sa' naab'al chi na'ajej ut taawanje'q we'ej: a'inaq xtiklajik li nimla rahilal.

Li Santil hu

⁸ Nabal li tenamit teꞌpletik riqꞌuin jalan chic tenamit. Ut eb li acuabej teꞌxpleti ribeb. Talajcua̱nk hi̱c saꞌ nabal chi naꞌajej ut ta̱cua̱nk cueꞌej. Abanan aꞌan yal xticlajic li raylal ta̱cha̱lk.

San Marcos 13:8 ပူးပေါင်းရင်းမြစ်များ

San Mateo 24:8

Chixjunil a'in a'anaq li xtiklajik li nimla rahilal.

Isaías 37:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolejil, li rahob'tesiik ut li xutaanal! Chanchano jun li ixq wank sa' yu'am, li maak'a' xmetz'ew chi alank.

Salmos 48:6

ab'anan naq xe'ril li tenamit, xe'sachk xna'leb', k'ajo' naq xe'xiwak ut xe'siksotk!

Apocalipsis 6:4

Toja' naq ki'elk jun chik kawaay, kaq rix, ut li k'ojk'o chi xb'een kik'ehe'k xwankil re risinkil li tuqtuukilal sa' ruuchich'och', re naq te'xkamsi rib' chirib'ileb' rib' eb' li winq; ut kiq'axtesiik re jun li nimla jutz' ch'iich'.

1 Ts 5:3

Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Hechos 11:28

Jun reheb' a'an, aj Agabo xk'ab'a', kixaqliik ut kixye resil sa' Santil Musiq'ej naq taawanq jun nimla we'ej sa' chixjunil li ruuchich'och' (ut a'an kik'ulmank sa'eb' li kutan ki'awab'ejink wi' laj Klawdio).

Zacarías 14:13

Sa' li kutan a'an li Qaawa' tixk'e jun xnimla xiweb': te'xchap rib' chi ruq'eb' ut te'xtikib' xpleetinkil rib'eb' chirib'ileb' rib'.

Hageo 2:22

Tinjuk' li xwankileb' li neke'awab'ejink re li ruuchich'och' ut twisiheb' li awab'ej sa' li xna'ajeb'; tinpak'lusiheb' li b'eleb'aal ch'iich' re yalok ut eb' li wankeb' chisa'. Te'kamsije'q eb' li kawaay ut eb' li winq; li junjunq taakamsiiq chi q'esnal ch'iich' xb'aan li ras riitz'in.

Jeremías 50:43

Naq li awab'ej re Babilonia xrab'i resileb', k'ajo' naq xchalk xxiw ut nasiksotk; xmayok li xch'ool jo' junaq ixq ok re chi alank.

Jeremías 49:24

Eb' laj Damaask xe'ch'inank xch'ool ut okeb' re chi elelik. Neke'siksotk xb'aan xxiweb'; k'ajo' li rahilal yookeb' chi xk'ulb'al, jo' junaq ixq li ok re chi alank.

Jeremías 25:32

Jo'ka'in kixye li Nimajwal Yos: “Relik chi yaal naq li raaxiik' taanume'q sa' jalan jalanq chi tenamit, ut k'ajo' li rahilal taawanq chalen toj sa' xmaril chaq li ruuchich'och'”.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Isaías 19:2

“Tinchiq' xjosq'ileb' laj Ejiipt chirib'ileb' rib' -chan li Yos- ut li junjunq taayaloq rik'in li ras riitz'in: li wank ramiiw taayaloq rik'in li ramiiw, tenamit rik'in tenamit, ut awab'ejilal rik'in awab'ejilal.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

2 Crónicas 15:6

Ke'yalok kok' tenamit chirib'ileb' rib' jo' eb' ajwi' li xninqaleb' tenamit, xb'aan naq li Qaawa' kixxib'esiheb' rik'in k'iila paay ru chi ch'a'ajkilal.

San Marcos 13:7

“Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

San Marcos 13:9

“A'ut laa'ex cherilaq eerib'. Texq'axtesiiq sa' ruq'eb' li xninqaleb' ru aj raqol aatin jo'wi' sa' ruq'eb' laj jolominel reheb' li ch'utleb'aal kab'l; texsak'e'q ut texxaqab'aaq chiruheb' li ninqeb' xwankil ut eb' li awab'ej sa' ink'ab'a', re xch'olob'ankil li yaal chiruheb'.