San Marcos 12:6 - Q'eqchi Bible

⁶ “Toj wank jun chik, a' li ralal raaro xb'aan. Sa' roso'jik kixtaqla a'an rik'ineb': «Li walal te'roxloq'i», chan sa' xch'ool.

Li Santil hu

⁶ Caꞌaj chic li ralal quicana, li kꞌaxal naxra. —Li cualal teꞌx-oxlokꞌi, chan saꞌ xchꞌo̱l. Joꞌcan nak quixtakla li ralal riqꞌuineb.

San Marcos 12:6 ပူးပေါင်းရင်းမြစ်များ

San Juan 1:34

Laa'in wilom ru ut nin'aatinak chirix naq a'an li Ralal li Yos”.

San Mateo 3:17

Ut ki'ab'iik jun xyaab' kuxej kichalk chaq sa' choxa, kixye: “A'an a'in li walal raaro inb'aan; rik'in a'in nasaho'k inch'ool”.

1 Juan 4:9

A'in kik'utunk wi' qik'in li qaraab'al xb'aan li Yos: naq li Yos kixtaqla chaq li Ralal jun chirib'il sa' ruuchich'och' re naq wanq qayu'am sa' xk'ab'a' A'an.

Hebreos 1:6

Jo'kan ajwi' naq kiroksi chaq li ralal jun chirib'il sa' ruuchich'och', kixye: “Ut chiloq'oniiq xb'aaneb' chixjunil li x'ánjel li Yos”.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

San Juan 1:49

Kichaq'ok laj Natanael: —At Tzolonel, laa'at li Ralal li Yos, laa'at li xReyeb' laj Israel, chan re.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

San Lucas 9:35

Toja' naq kichalk jun xyaab' kuxej sa' li choql, kixye: “A'in li walal sik'b'il ru inb'aan. A'an cherab'ihaq”.

San Lucas 3:22

li Santil Musiq'ej kikub'e chaq sa' xb'een kama' na'ilok junaq mukuy ut kichalk chaq jun xyaab' kuxej sa' choxa, kixye: “Laa'at li walal; aawik'in nasaho'k inch'ool”.

San Marcos 9:7

Toja' naq kichalk jun li choql kimuheelank reheb', ut ki'ab'iik jun xyaab' kuxej kichalk sa' li choql: “A'in li walal raaro inb'aan: a'an cherab'ihaq”.

San Marcos 1:11

Ut kichalk chaq jun xyaab' kuxej sa' choxa, kixye: “Laa'at li walal raarookat inb'aan; aawik'in nasaho'k inch'ool”.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Salmos 2:12

chereek'a xsik naq teeloq'oni ru li Nimajwal Yos. Mare anchal taapo'q ut texsachq sa' b'e, xb'aan naq sa' junpaat nachalk xjosq'il. Us xaq reheb' li neke'muhenk rik'in!

Génesis 37:3

Laj Jakob q'axal naxra laj José chiruheb' chixjunil li ralal, xb'aan naq a'in kiyo'laak sa' xtiixilal. Jo'kan naq kixyiib' jun xjut-aq', ninq ruq'.

Génesis 22:12

Kixye li ánjel: “Maataqsi laawuq' sa' xb'een li ch'ina'al ut mik'a' aab'aanu re: anaqwan ninnaw naq nakaxiwa ru li Yos, xb'aan naq ink'a' xaram chiwu laawalal, li junaj chirib'il”.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Salmos 2:7

Tinpuktesi li xk'uub'ahom li Qaawa' li kixye we: “Laa'at li walal; anaqwan xatinyoob'tesi.

Génesis 44:20

Ut laa'o xqaye: «Hehe', wank qayuwa', tiix aj chik, ut wank ajwi' jun ralal toj saaj li kiyo'laak sa' xtiixilal. Jun chik ralal, asb'ej chiru a'an, kikamk; ka'aj chik a'an xkanaak sa' xyanqeb' li ralal li xna', ut q'axal raaro xb'aan li xyuwa'».

San Marcos 12:5

Kixtaqla jun chik, ut a'an ke'xkamsi. Toj naab'aleb' chik ke'taqlaak: wan ke'xteni, wan ke'xkamsi.

San Marcos 12:7

Ab'an eb' aj k'alom a'an ke'xye chirib'ileb' rib': «A'an a'in li taa'eechaninq re li ch'och'. Kimqex, qakamsiiq, ut laa'o chik too'eechaninq re», chankeb'.

3 Juan 1:1

Laa'in li cheekel winq sa' li Iklees nintz'iib'ak aawik'in, at Gayo raarookat inb'aan: relik chi yaal naq nakatinra.