San Marcos 12:1 - Q'eqchi Bible

¹ Li Jesus ki'ok chi raatinankileb' sa' jaljookil ru aatin. Kixye reheb' chi jo'ka'in: “Jun li winq kiraw jun siir x'uub', kixsut chi koral, kixb'ek jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

Li Santil hu

¹ Li Jesús qui-oc chixyebal li jaljo̱quil ru a̱tin reheb ut quixye chi joꞌcaꞌin: Jun li cui̱nk quirau jun si̱r li racui̱mk uvas ut quixsut saꞌ corral. Quixyi̱b jun xnaꞌaj bar teꞌxyatzꞌ cuiꞌ li uvas ut quixyi̱b ajcuiꞌ jun chꞌina cab najt xteram re li ta̱cꞌacꞌale̱nk re li acui̱mk. Quixsiqꞌueb laj ilol re li racui̱mk. Ut laj e̱chal re li acui̱mk co̱ saꞌ jalanil tenamit.

San Marcos 12:1 ပူးပေါင်းရင်းမြစ်များ

San Marcos 13:34

Jo' jun li winq koho chi najt: kixkanab' li rochoch, kixk'eheb' xwankileb' li xmoos, ak re re li xk'anjel li junjunq, ut kixchaq'rab'i laj ilol okeb'aal naq chiyo'leq.

San Marcos 4:2

Ut naab'al li na'leb' kixtzoleb' wi' sa' jaljookil ru aatin. Kixye reheb' chi jo'kan naq yo chi xtzolb'aleb':

San Mateo 25:14

“Li taak'ulmanq sa' li xnimajwal wankilal li choxa chanchan ajwi' li kik'ulmank naq jun li winq koho chi najt; kixb'oqeb' li xmoos ut kixq'axtesi li xjunkab'lal sa' ruq'eb'.

Hechos 7:38

A'an a'in li kiwank chaq rik'in li ánjel li ki'aatinank re sa' xb'een li tzuul Sinaí, jo'wi' rik'in li qana' qayuwa' naq ch'utch'uukeb' chaq sa' li chaqich'och'; a'an a'in li kik'uluk chaq eb' li aatin neke'k'ehok yu'am re taaq'axtesimanq qe.

San Lucas 19:12

Kixye: “Jun xnimal ru winq koho sa' jun najtil tenamit re naq taaxaqab'aaq cho'q awab'ej ut chirix chik a'an taasutq'iiq chaq wi' chik.

San Lucas 15:13

Ink'a'aq k'iila kutan a'an, li iitz'inb'ej kixk'ayi li k'aru wank re ut koho sa' najtil tenamit b'arwi' kixsach chixjunil, yo xq'axb'al li kutan chi jo'maajo'.

San Lucas 8:10

ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Mateo 21:28

Kixpatz' li Jesus reheb': —K'aru nekeye? Jun li winq kiwank wiib' li ralal. Kiwulak rik'in li xb'een ut kixye: «At walal, chatxikaq hoon chi k'anjelak sa' li wawimq».

Ezequiel 20:49

Laa'in kinchaq'ok ut kinye: “At Qaawa', eb' li poyanam yookeb' chi xyeeb'al naq laa'in junes muqmuukil na'leb' ninye ut maajun natawok ru”.

Jeremías 2:21

Laa'in katwaw jo' jun toon chi chaab'il che', li sik'b'il ru riyajil. Ab'anan chan put ru naq xajaltesi aawib' cho'q ruq' xtoonal li che' ink'a' na'uuchink?

Isaías 7:23

Chiruheb' li kutan a'an sa' li na'ajej b'arwi' kiwank junq mil toon chi uub' ut jun mil chi tumin li xtz'aq, junes k'ix ut pajl aj chik wanq chiru.

San Lucas 22:9

Eb' a'an ke'xye re: —B'ar taawaj toxqakawresi?

San Mateo 13:3

Ut naab'al li na'leb' kixye reheb' sa' jaljookil ru aatin. Kixye chi jo'ka'in: “Ki'elk jun aj awinel chi awk.

San Mateo 21:33

“Ab'ihomaq jun chik li jaljookil ru aatin. Jun li winq aj eechal junkab'al kiraw jun siir x'uub', kixsut chi koral, kixb'ek aran jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

San Mateo 21:34

Naq kiwulak xq'ehil xchoqb'al li uub', kixtaqlaheb' li xmoos rik'ineb' laj k'alom re naq tixk'ul ru li rawimq.

San Marcos 3:23

Toja' naq li Jesus kixb'oqeb' chaq ut kixye reheb' sa' jaljookil ru aatin: “Chanru naq laj tza taarisi laj tza?

San Marcos 11:33

Jo'kan naq ke'xsume li Jesus: “Ink'a' naqanaw”, chankeb' re. Toja' naq li Jesus kixye reheb': —Jo'kan ajwi' laa'in ink'a' ninye eere k'aru linwankil naq ninb'aanu a'in.