San Marcos 11:18 - Q'eqchi Bible

¹⁸ Naq ke'rab'i a'in eb' li xb'eenil aj tij jo'wi' eb' laj tz'iib', ke'ok chi xsik'b'al chanru naq te'xkamsi, xb'aan naq neke'xxiwa ru: a' neke'ril naq chixjunil li tenamit sachsookeb' xch'ool xb'aan li naxtzoleb' wi'.

Li Santil hu

¹⁸ Eb li xbe̱nil aj tij ut eb laj tzꞌi̱b nak queꞌrabi aꞌan queꞌoc chixcꞌu̱banquil chanru nak teꞌxcamsi li Jesús. Cꞌajoꞌ nak queꞌxucuac xban nak queꞌril nak sachso̱queb xchꞌo̱l li qꞌuila tenamit chirabinquil li tijleb li yo̱ chixyebal li Jesús.

San Marcos 11:18 ပူးပေါင်းရင်းမြစ်များ

San Mateo 7:28

Naq li Jesus kiraqe'k chi xyeeb'al eb' li aatin a'in, sachsookeb' xch'ool ke'kanaak li k'iila tenamit rik'in li xk'utum,

San Marcos 12:12

Eb' a'an ke'ok chi xsik'b'al chan raj ru naq te'xchap, xb'aan naq ke'xtaw ru naq cho'q reheb' kixye li jaljookil ru aatin; ab'an ke'xxiwa ruheb' li tenamit. Jo'kan naq ke'xkanab' ut koheb'.

Hechos 24:25

Ab'anan, naq laj Pablo kixtikib' aatinak chirix li tiikilal, li kuyuk ib' ut li raqb'a aatin chaalel, laj Félix ki'ok xxiw ut kichaq'ok: —Tz'aqal a'in; truuq tatxik anaqwan. Jo'q'e tixk'e rib' chiwu, tintaqla wi' chik aab'oqb'al, chan.

San Juan 7:46

Ke'chaq'ok eb' laj k'aak'alenel: —Maajun junaq winq na'aatinak jo' na'aatinak li winq a'an, chankeb'.

San Lucas 20:19

Sa' ajwi' li honal a'an eb' laj tz'iib' ut eb' li xb'eenil aj tij ke'xsik' chan raj ru naq te'xchap li Jesus, xb'aan naq ke'xtaw ru naq cho'q reheb' kixye li jaljookil ru aatin a'in; ab'anan ke'xiwak chiruheb' li tenamit.

San Lucas 19:47

Rajlal kutan naxtzoleb' sa' rochoch li Yos, ut eb' li xb'eenil aj tij, eb' laj tz'iib' jo'wi' li xninqaleb' ru sa' li tenamit yookeb' chi xsik'b'al chan raj ru naq te'xkamsi.

San Lucas 4:22

Chixjunileb' chaab'il neke'xye chirix, nalaje'sachk xch'ool xb'aan li chaab'il aatin na'elk chi xtz'uumal re, ut neke'xye: —Ma maawa' tab'i' a'in li ralal laj José?

San Marcos 11:32

Ab'an, ma tqaye naq yal reheb' li winq?”. Neke'xxiwa ruheb' li tenamit, xb'aan naq laj Jwan a'an tz'aqal propeet chiruheb' chixjunil.

San Marcos 6:20

xb'aan naq laj Herodes naxxiwa ru laj Jwan ut naxkol rix: naxnaw naq a'an jun li winq tiik xch'ool ut sant; naq narab'i chi aatinak, na'ok xk'a'uxl ut nawulak chiru rab'inkil.

San Marcos 3:6

Naq ke'elk aran eb' laj Pariseey, tikto ke'xch'utub' rib' rik'ineb' li neke'okenk chirix laj Herodes, chi k'uub'ank chirix li Jesus re xkamsinkil.

San Marcos 1:22

Ut sachsookeb' xch'ool ke'kanaak li tenamit rik'in li xk'utum, xb'aan naq naxtzoleb' chi wank xwankil, ut ink'a' jo'eb' laj tz'iib'.

San Mateo 21:15

Eb' li xb'eenil aj tij jo'wi' eb' laj tz'iib' naq ke'ril eb' li sachb'ach'oolej kixb'aanu ut ke'rab'i li kok'al japjookeb' re chi xyeeb'al sa' rochoch li Yos: “Chinimaaq xloq'al li Ralal laj David!”, ke'po'k xch'ool

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

1 Reyes 22:18

Li awab'ej re Israel kixye re laj Josafat: “Ma ink'a' tab'i' xinye aawe naq li winq a'in maajun wa naxye we li us, junes b'an rahilal naxye?”.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

San Lucas 2:47

Sachsookeb' xch'ool chixjunileb' li neke'ab'ink re xb'aan li xseeb'al xk'a'uxl ut li xsumehom.

San Juan 7:1

Chirix chik a'in li Jesus ki'ok chi b'eek Galilea, ut ink'a' naru taab'eeq Judea xb'aan naq eb' laj Judiiy yookeb' chi xsik'b'al chan raj ru te'xkamsi.

San Juan 7:19

“Ma maawa' tab'i' laj Moisés li kik'ehok eere li Chaq'rab'? Ut maajun eere napaab'ank re li Chaq'rab'. K'a'ut naq teeraj inkamsinkil?”.