San Marcos 10:32 - Q'eqchi Bible

³² Yookeb' chi taqe'k, sa' li b'e naxik Jerusalén, k'amol b'e li Jesus chiruheb'; eb' a'an sachsookeb' xch'ool ut eb' li yookeb' chi taaqenk re yo xxiweb'. Li Jesus kixb'oqeb' wi' chik li Kab'laju ut kixtikib' xyeeb'al reheb' li k'aru tixk'ul:

Li Santil hu

³² Nak yo̱queb chi xic Jerusalén cꞌamol be li Jesús chiruheb. Nak cuanqueb chiru be sachso̱queb xchꞌo̱l lix tzolom ut li yo̱queb chi ta̱ke̱nc reheb teꞌxucuak ajcuiꞌ. Tojoꞌnak li Jesús quixcꞌameb cuiꞌchic lix cablaju chi tzolom xjuneseb ut qui-oc chixyebal reheb li cꞌaꞌru tixcꞌul.

San Marcos 10:32 ပူးပေါင်းရင်းမြစ်များ

San Lucas 9:51

Naq yo chi tz'aqlok xq'ehil li xtaqik, li Jesus kixkawila xch'ool chi xik Jerusalén

San Juan 11:16

Toja' naq laj Tomás, a' li Lut nayeemank re, kixye reheb' li rech tzolonelil: —Yo'qeb' ajwi' laa'o re naq tookamq qochb'een.

San Juan 11:8

Kiyehe'k ut re xb'aaneb' li xtzolom: —At Tzolonel, toje' xe'raj raj aakamsinkil chi pek eb' laj Judiiy. Ma tatxik wi' chik aran?

San Lucas 10:23

Naq wankeb' xjuneseb', li Jesus kixsutq'isi rib' chi rilb'aleb' li xtzolom ut kixye: “Us xaq reheb' li xsa' uhej li neke'ril li k'aru nekeril laa'ex.

San Marcos 4:34

ut ink'a' naraatinaheb' chi maak'a' ta jaljookil ru aatin. Ab'an reheb' li xtzolom, naq wankeb' xjuneseb', naxch'olob' ru chixjunil.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

San Marcos 1:27

Chixjunileb' ke'kanaak chi sachsookeb' xch'ool ut neke'xpatz'i rib' chirib'ileb' rib': —K'aru a'in? A'an jun ak' na'leb', nak'utmank rik'in wankilal! Nataqlank ajwi' sa' xb'eeneb' li tz'ajn aj musiq'ej ut napaab'aak xb'aaneb'.

San Lucas 19:28

Naq ak xye a'in li Jesus, k'amol b'e chiruheb' naq yo chi taqe'k Jerusalén.