San Marcos 10:2 - Q'eqchi Bible

² Wankeb' aj Pariseey ke'nach'ok rik'in ut ke'xpatz' re, yal re xyalb'al rix: —Ma truuq naq li winq tixkanab' li rixaqil? chankeb' re.

Li Santil hu

² Ut queꞌcuulac laj fariseo riqꞌuin chi patzꞌoc yal re xyalbal rix ut queꞌxye re: —¿Cꞌaꞌru nacaye la̱at? ¿Ma ta̱ru̱k tixjach rib junak cui̱nk riqꞌuin li rixakil? chanqueb re.

San Marcos 10:2 ပူးပေါင်းရင်းမြစ်များ

San Juan 8:6

Ke'xye a'in yal re xyalb'al rix, re xtawb'al k'aru te'xjit wi'. A'ut li Jesus kixk'utzub' rib' ut ki'ok chi tz'iib'ak sa' ch'och' rik'in ru'uj ruq'.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

1 Corintios 10:9

Miqayal rix li Qaawa', jo' wan ke'b'aanunk sa' xyanqeb' a'an, ut ke'sache'k xb'aaneb' li k'anti'.

San Juan 11:57

Li Xb'eenileb' aj tij ut eb' laj Pariseey ak xk'ehomeb' jun li chaq'rab': “Wi ani taanawoq re b'ar wanq, chixyehaq resil re naq taachapmanq”.

San Juan 11:47

Toja' naq li Xb'eenileb' aj tij ut eb' laj Pariseey ke'xch'utub' rib' chi k'uub'ank ut ke'xye: —K'aru tqab'aanu? Xb'aan naq li winq a'in naab'al xninqal ru eetalil naxb'aanu.

San Juan 7:48

Ma wank tab'i' junaq reheb' li xb'eenil malaj junaq aj Pariseey li xpaab'ank re?

San Juan 7:32

Eb' laj Pariseey ke'rab'i naq eb' li tenamit neke'xyehatq a'in chirix li Jesus; jo'kan naq ke'xtaqla eb' li xtaql chi xchapb'al.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

San Lucas 11:39

Ut li Qaawa' kixye re: —Laa'ex aj pariseey nekech'aj rix li sek' ut li pulaat, a'ut sa' leesa' nujenaqex chi elq' ut maa'usilal!

San Lucas 7:30

A'ut eb' laj pariseey ut eb' laj nahol Chaq'rab' ke'xsach xwankil li xnimal rajom li Yos sa' xb'eeneb', naq ink'a' ke'xk'ulub'an naq te'kub'siiq xha'eb'.

San Lucas 6:7

Eb' laj tz'iib' ut eb' laj pariseey yookeb' chi xk'eeb'al reetal ma tixk'irtasi tana sa' sábado, re naq te'xtaw k'aru te'xjit wi'.

San Lucas 5:30

Eb' laj pariseey ut eb' laj tz'iib' li neke'okenk chirixeb' ke'choqoqnak sa' xyanqeb' li xtzolom: —K'a'ut naq nekexwa'ak ut nekex'uk'ak rik'ineb' laj titz'ol toj ut eb' laj maak? chankeb'.

San Marcos 8:15

Ut li Jesus kixjultika reheb': —Chek'ehaq reetal, chekolaq eerib' chiru li xch'amaleb' laj Pariseey jo'wi' laj Herodes.

San Marcos 8:11

Ke'elk chaq eb' laj Pariseey ut ke'ok chi xwech'inkil li Jesus: ke'xpatz' re junaq eetalil taachalq sa' choxa, yal re xyalb'al rix.

San Mateo 22:35

ut jun reheb' a'an kixpatz' re yal re xyalb'al rix:

San Mateo 19:3

Wankeb' aj Pariseey ke'jilok chi xk'atq yal re xyalb'al rix: —Ma truuq naq li winq tixkanab' li rixaqil yal rik'in k'a'aq re ru? chankeb' re.

San Mateo 16:1

Eb' laj Pariseey ut eb' laj Saduseey ke'jilok chi xk'atq li Jesus yal re xyalb'al rix, ut ke'relaji ru naq chixk'ut junaq eetalil taachalq sa' choxa.

San Mateo 15:12

Toja' naq eb' li xtzolom ke'jilok chi xk'atq ut ke'xye re: —Ma nakanaw naq eb' laj Pariseey ra xe'reek'a naq xe'rab'i laawaatin?

San Mateo 9:34

Ab'anan eb' laj Pariseey ke'xye: —Rik'in xwankilal li xyuwa'ileb' laj tza narisiheb' laj tza.

Malaquías 2:16

Li Qaawa' nim xwankil, li xYos laj Israel, naxye chi jo'ka'in: “Chera leeyu'am, ut meeb'alaq'i leerixaqil. Xb'aan naq xik' nawil ut nintz'eqtaana li naxjach rib' rik'in li xsum'aatin ut naxmux rib' rik'in xb'aanunkil li maa'usilal a'in”.

San Marcos 10:1

Li Jesus kixaqliik ut koho sa'atqeb' li na'ajej chi xsutam Judea ut toj junpak'al li nima' Jordán. Ke'ch'utlaak wi' chik li tenamit rik'in, ut kixtikib' ajwi' xtzolb'aleb', jo' k'aynaq xb'aanunkil.

San Marcos 10:3

Li Jesus kixsumeheb': —K'aru kexxchaq'rab'i wi' laj Moisés? chan.