San Marcos 1:4 - Q'eqchi Bible

⁴ Ut jo'ka'in kik'ulmank: kox'okaq laj Jwan aj kub'sihom ha' sa' li chaqich'och', yo chi xyeeb'al reheb' chixjunil naq tento te'xyot' xch'ool te'xjal xk'a'uxl ut te'kub'siiq xha' re naq li Yos tixkuy tixsach li xmaakeb'.

Li Santil hu

⁴ Joꞌcan nak co̱ laj Juan laj Cubsihom Haꞌ saꞌ li chaki chꞌochꞌ ut yo̱ chi cubsi̱nc haꞌ ut yo̱ chixchꞌolobanquil lix ya̱lal chiruheb ut quixye: —Canabomak li ma̱cobc. Chi yotꞌekꞌ e̱chꞌo̱l ut chejal e̱cꞌaꞌux ut checꞌul li cubi haꞌ ut li Dios tixcuy tixsach le̱ ma̱c, chan.

San Marcos 1:4 ပူးပေါင်းရင်းမြစ်များ

San Juan 3:23

Laj Jwan yo ajwi' chi kub'sink ha' aran Enón, chi xk'atq Salim, xb'aan naq naab'al li ha' wank aran ut eb' li tenamit neke'wulak aran chi kub'siik xha'eb'.

San Mateo 3:6

Neke'xxooto li xmaakeb', ut laj Jwan naxkub'siheb' xha' sa' li nima' Jordán.

San Lucas 1:77

chi xyeeb'al resil li kolb'a ib' re li xtenamit, a' li xkuyb'al xsachb'aleb' li xmaak.

Hechos 22:16

Ut anaqwan, k'a' naq nakab'ay aawib'? Waklin ut chikub'eeq laaha'! Chayaab'a xk'ab'a' li Qaawa' ut ch'ajeb' laamaak».

Hechos 10:37

Laa'ex nekenaw k'aru kik'ulmank sa' chixjunil Judea, kitiklaak chaq Galilea, naq laj Jwan ak xpuktesi resil li kub'iha';

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

San Marcos 1:5

Chixjunileb' laj Judea jo'wi' chixjunileb' laj Jerusalén neke'wulak rik'in laj Jwan; neke'xxooto li xmaakeb' ut a'an naxkub'siheb' xha' sa' li nima' Jordán.