San Lucas 9:48 - Q'eqchi Bible

⁴⁸ ut kixye reheb': —Ani taak'uluq re li ch'ina'al a'in sa' ink'ab'a', laa'in tinxk'ul; ut li ani taak'uluq we, tixk'ul li kitaqlank chaq we, xb'aan naq li jwal kach'in sa' eeyanq chejunilex, a'an li nim.

Li Santil hu

⁴⁸ Ut quixye reheb: —Li ani ta̱cꞌuluk re junak chꞌina al joꞌ aꞌin saꞌ incꞌabaꞌ la̱in, tinixcꞌul ajcuiꞌ la̱in; ut li ani ta̱cꞌuluk cue la̱in, tixcꞌul ajcuiꞌ li ani xtaklan chak cue. Joꞌcan nak li ani cubenak xcuanquil saꞌ e̱ya̱nk anakcuan, aꞌanak chic li nimak xcuanquil.—

San Lucas 9:48 ပူးပေါင်းရင်းမြစ်များ

San Lucas 14:11

Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil.

1 Pedro 5:6

Chekub'si b'i' eerib' rub'el li xloq'laj wankilal li ruq' li Yos, re naq tixtaqsi eewankil naq taawulaq xq'ehil.

San Lucas 22:26

Ab'anan moko jo'kanaq ta sa' eeyanq laa'ex: li nim xwankil sa' eeyanq kama'aq li jwal saaj, ut li najolomink kama'aq laj k'anjel.

San Juan 13:20

Relik chi yaal ninye eere: ani nak'uluk re li nintaqla laa'in, laa'in nikinxk'ul, ut li nak'uluk we, a' Li kitaqlank chaq we naxk'ul”.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

San Lucas 22:30

re naq texwa'aq tex'uk'aq chire linmeex sa' linnimajwal wankilal ut texk'ojlaaq sa'eb' li k'ojarib'aal chi raqok aatin sa' xb'eeneb' li kab'laju xteepal aj Israel”.

San Lucas 7:28

Ninye eere naq maajun reheb' li yo'lajenaq rik'in ixq naxq'ax ru laj Jwan aj kub'sihomha'. Ab'an li q'axal kach'in sa' li xnimajwal awab'ejihom li Yos, a'an nim chik chiru a'an.

San Marcos 9:37

—Ani taak'uluq re junaq ch'ina'al jo' a'in sa' ink'ab'a', laa'in tinxk'ul; ut li taak'uluq we, moko laa'in ta tinxk'ul, a' b'an li kitaqlank chaq we.

San Mateo 25:45

Ut a'an tixsumeheb' ut tixye: «Relik chi yaal ninye eere naq jo'ch'inal jo'nimal ink'a' xeb'aanu re junaq reheb' a'in li q'axal kok'eb', chi moko we laa'in xeb'aanu chaq».

San Mateo 25:40

Ut li Rey tixye reheb': «Relik chi yaal ninye eere: jo'ch'inal jo'nimal xeb'aanu chaq reheb' linkok' iitz'in a'in q'axal kok'eb', we laa'in xeb'aanu chaq».

San Mateo 19:28

Kixye li Jesus reheb': —Relik chi yaal ninye eere naq sa' li ak' ruuchich'och', naq taak'ojlaaq li K'ajolb'ej sa' li xloq'laj k'ojarib'aal, laa'ex ajwi' li xextaaqenk we texk'ojlaaq sa' kab'laju chi k'ojarib'aal ut texraqoq aatin sa' xb'eeneb' li kab'laju xteepal aj Israel.

San Mateo 18:14

Jo'kan ajwi' moko rajom ta xch'ool leechoxahil Yuwa' naq taasachq junaq reheb' a kok'eb' a'in.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

Proverbios 18:12

Li q'etq'etil, kamk nokoxraqe'q wi'; ab'an li xtiklajik li loq'al, a'an li tuulanil.

Apocalipsis 21:14

Li tz'ak sutsu wi' li tenamit, a'an k'ojob'anb'il sa' xb'een kab'laju chi rub'elankil, ut chiruheb' a'an tz'iib'anb'il xk'ab'a' eb' li kab'laju chi x'apóstol li Karneer.