San Lucas 9:33 - Q'eqchi Bible

³³ Ut naq yookeb' chi elk eb' a'in, kixye laj Pedro re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías. Ab'an laj Pedro ink'a' naxnaw li k'aru yo chi xyeeb'al.

Li Santil hu

³³ Nak ac oqueb re xcanabanquil li Jesús li cuib chi cui̱nk, laj Pedro quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés ut jun re laj Elías, chan. Quixye chi joꞌcan xban nak incꞌaꞌ quixtau ru lix ya̱lal li quiril.

San Lucas 9:33 ပူးပေါင်းရင်းမြစ်များ

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

San Juan 14:8

Laj Felipe kixye re: —Qaawa', k'ut chiqu li Yuwa'b'ej ut taak'ojlaaq qach'ool.

San Lucas 5:5

Kichaq'ok laj Simón ut kixye: —At Tzolonel, xqatawasi qib' chiru jun q'oqyink ut maak'a' xqakara. Ab'an, sa' xk'ab'a' laawaatin, tinkut li yooy.

San Marcos 10:38

A'ut li Jesus kixye reheb': —Ink'a' nekenaw k'aru yookex chi xtz'aamankil. Ma truuq teeruk' xsa' li sek' nin'uk'ak wi' laa'in, malaj truuq teek'ul li kub'iha' nink'ul laa'in?

San Mateo 17:14

Naq ke'wulak wankeb' wi' li tenamit, jun li winq kinach'ok rik'in li Jesus, kolxwiq'ib' rib' chiru ut kixye:

Salmos 73:28

A'ut li wank chi xk'atq li Yos a'an li us cho'q we: laa'in xinq'axtesi wib' rub'el roq rub'el ruq' li Qaawa', ut nawaj xpuktesinkil resil chixjunil li xb'aanuhom.

Salmos 27:4

Jun ajwi' xinpatz' re li Qaawa' ut ka'ajwi' a'in yookin chi xsik'b'al: naq tinwanq taxaq sa' rochoch li Qaawa' chixjunil li kutan re linyu'am, re xka'yankil li xchaq'alil ru li Qaawa' jo'wi' rilb'al li xloq'laj ochoch.

San Mateo 17:4

Kixtikib' aatinak laj Pedro ut kixye re li Jesus: —Qaawa', us toowanq arin. Wi taawaj, tinyiib' arin oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías.

San Lucas 9:34

Toj yo ajwi' chi aatinak chi jo'kan, naq kichalk jun li choql li kimuheelank reheb'; ut naq ke'ok sa' li choql, k'ajo' naq ke'xiwak.

San Lucas 9:49

Kixtikib' aatinak laj Jwan, ut kixye: —At Tzolonel, xqil jun li winq yo chi isink maa'us aj musiq'ej sa' aak'ab'a'. Xqayal xramb'al chiru xb'aan naq ink'a' nachalk chiqix.