San Lucas 9:22 - Q'eqchi Bible

²² Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

Li Santil hu

²² Ut quixye ajcuiꞌ reheb: —La̱in li Cꞌajolbej. Tento nak tincꞌul nabal li raylal. Tintzꞌekta̱na̱k xbaneb li xakabanbileb chi cꞌanjelac saꞌ li templo, joꞌ ajcuiꞌ xbaneb li xbe̱nil aj tij, ut xbaneb laj tzꞌi̱b. Tincamsi̱k, abanan tincuacli̱k cuiꞌchic chi yoꞌyo saꞌ rox li cutan, chan li Jesús.

San Lucas 9:22 ပူးပေါင်းရင်းမြစ်များ

San Lucas 24:7

«Li K'ajolb'ej tento taaq'axtesiiq sa' ruq'eb' laj maak, taak'ehe'q chiru krus, ut sa' rox li kutan taawakliiq chi yo'yo».

San Lucas 9:44

—Chek'ehaq sa' leech'ool laa'ex eb' li aatin a'in: li K'ajolb'ej taaq'axtesiiq sa' ruq'eb' li winq.

1 Pedro 1:11

Ke'xyal xq'e chi xtawb'al xyaalal jo'q'e xq'ehil ut xhonal taak'ulmanq li yo chaq chi k'utb'esiik chiruheb' xb'aan li xMusiq' li Kriist: xb'aan naq li Musiq'ej wan chaq rik'ineb', ut kixye chi junxilaj li rahilal tixkuy li Kriist jo'wi' li xnimal xloq'al tixk'ul toj moqon.

San Marcos 9:31

xb'aan naq yo chi xtzolb'aleb' li xtzolom; naxye reheb': —Li K'ajolb'ej taaq'axtesiiq sa' ruq'eb' li winq; taakamsiiq ut oxib'aq kutan xkamik taawakliiq chi yo'yo.

San Marcos 8:31

Li Jesus kixtikib' xtzolb'aleb' naq li K'ajolb'ej tento tixk'ul naab'al rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib', taakamsiiq ut taawakliiq chi yo'yo sa' rox li kutan.

San Mateo 17:12

A'ut laa'in ninye eere naq ak k'ulujenaq laj Elías ut ink'a' ke'xnaw ru, ke'xb'aanu b'an re jo'nimal li ke'raj. Jo'kan ajwi' li K'ajolb'ej rahilal tixk'ul sa' ruq'eb'.

1 Corintios 15:4

kimuqe'k ut kiwakliik chi yo'yo sa' rox li kutan, jo' ak yeeb'il chaq resil chi junxilaj xb'aan li Santil Hu;

San Lucas 24:26

Ma ink'a' tab'i' tento naq li Kriist xk'ul li rahilal a'an ut chi jo'kan taa'ok sa' li xnimajwal loq'al?

San Mateo 17:22

Naq wotz yookeb' chi b'eek sa' xteepal Galilea, li Jesus kixye reheb' li xtzolom: —Li K'ajolb'ej taaq'axtesiiq sa' ruq'eb' li winq;

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

San Mateo 27:63

ut ke'xye re: —Wa', xnaqk sa' qach'ool naq laj b'alaq' a'an kixye naq toj yo'yo: «Sa' rox li kutan tinwakliiq wi' chik chi yo'yo».

San Lucas 17:25

Ab'anan, xb'enwa tento naq tixk'ul naab'al rahilal ut taatz'eqtaanaaq xb'aaneb' li tenamit a'in.

San Lucas 24:44

Chirix chik a'an kixye reheb': —A'aneb' a'in li waatin xinye eere naq toj wankin chaq eerik'in: Tento naq taatz'aqloq ru chixjunil li tz'iib'anb'il chiwix sa' li xChaq'rab' laj Moisés, sa' xHuheb' li Propeet ut sa'eb' li Saalm.