San Lucas 8:18 - Q'eqchi Bible

¹⁸ “Chek'e b'i' reetal chanru nekex'ab'ink, xb'aan naq ani wank k'aru re, ruk' chik taak'eemanq re; ut ani maak'a' wank re, a' ajwi' li k'aru wank re naq naxk'oxla, taamaq'manq chiru”.

Li Santil hu

¹⁸ Joꞌcan ut cheqꞌuehak retal li cꞌaꞌru te̱rabi xban nak li ani naxqꞌue xchꞌo̱l chixtaubal ru lix ya̱lal, ta̱qꞌuehekꞌ mas xnaꞌleb. Abanan li incꞌaꞌ naxqꞌue xchꞌo̱l chixtaubal ru, ta̱makꞌekꞌ chiru li naxcꞌoxla nak naxnau, chan.

San Lucas 8:18 ပူးပေါင်းရင်းမြစ်များ

San Mateo 13:12

Xb'aan naq ani wank k'aru re, ruk' chik taak'eemanq re ut taa'ela'anq chiru; ut ani maak'a' wank re, a' ajwi' li k'aru wank re taamaq'manq chiru.

San Lucas 19:26

“Kichaq'ok a'an: «Relik chi yaal ninye eere naq ani wank k'aru re, ruk' chik taak'eemanq re; ut ani maak'a' wank re, a' ajwi' li k'aru re taamaq'manq chiru.

San Mateo 25:29

Xb'aan naq yalaq ani wank k'aru re, taak'eemanq xkomon re ut taa'ela'anq chiru; a'ut li maak'a' wank re, a' ajwi' li k'aru re taamaq'manq chiru.

San Juan 15:2

Chixjunil li ruq' li ink'a' na'uuchink wik'in, narisi; ut chixjunil li na'uuchink, naxsaab'esi ru re naq numtajenaq chik taaruuchin.

Hebreos 2:1

Jo'kan utan, tento naq q'axal chik tqak'e qach'ool chirix li k'aru xqab'i, re naq ink'a' toosachq.

1 Corintios 14:37

Wi wan junaq naxk'oxla rib' naq a'an propeet malaj musiq'anb'il xb'aan li Musiq'ej, chixnawaq naq li k'aru yookin chi xtz'iib'ankil eerik'in, a'an xchaq'rab' li Qaawa'.

1 Corintios 8:2

Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.

1 Corintios 3:18

Maa'ani chixb'alaq'i rib'! Wi wan junaq sa' eeyanq nareek'a naq wank xna'leb' sa' li ruuchich'och' a'in, chixb'aanuhaq rib' jo' li maak'a' naxnaw re naq tixtaw xna'leb'.

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

Hechos 17:11

Eb' a'in q'axal q'uneb' xch'ool chiruheb' li wankeb' Tesalónika: ke'xk'ulub'a li Aatin chi anchaleb' xch'ool, yookeb' chi xtz'ilinkil xsa' li Santil Hu rajlal kutan re rilb'al ma yaal li naxye laj Pablo.

Hechos 10:33

Jo'kan naq junpaat xintaqla aasik'b'al, ut us xab'aanu naq xatchalk. Anaqwan ch'utch'uuko chiqajunilo chiru li Yos chi rab'inkil jo'ch'inal jo'nimal xattaqlaak wi' xb'aan li Qaawa'.

San Lucas 9:44

—Chek'ehaq sa' leech'ool laa'ex eb' li aatin a'in: li K'ajolb'ej taaq'axtesiiq sa' ruq'eb' li winq.

Filipenses 3:4

Laa'in wank ajwi' k'aru tink'e wi' xkawilal inch'ool. Wi wank junaq naxk'oxla naq truuq tixtaw xkawilal li xch'ool, ma toja' ta chik laa'in.

San Marcos 13:14

“Naq teeril li xnimal tz'i'b'eetalil yooq xb'aanunkil b'arwi' ink'a' raj xk'ulub' (ani na'ilok ru hu chixtawaq xyaalal), toja' naq eb' li wanqeb' Judea eleliqeb' ut che'xikaq toj chiru tzuul.

Proverbios 14:12

Wankeb' b'e li tiikeb' neke'k'utunk sa' xtiklajik, ab'an a' li kamk neke'raqe'k wi'.