San Lucas 8:14 - Q'eqchi Bible

¹⁴ Li kit'ane'k sa' li k'ix ru a'aneb' li ke'rab'i li Aatin, ab'an neke'xnat' sa' b'e rik'in li k'iila k'a'uxl, rik'in li b'ihomal ut li xsahilal li ruuchich'och', ut chi jo'kan ink'a' naq'ano'k li ru.

Li Santil hu

¹⁴ Ut li iyaj li quinak saꞌ xya̱nk li qꞌuix, aꞌan retalileb li nequeꞌabin re li ra̱tin li Dios. Nequeꞌxpa̱b, abanan incꞌaꞌ nequeꞌqꞌui saꞌ xpa̱ba̱leb xban nak caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, li biomal ut xra̱bal ru li cꞌaꞌak chic re ru. Aꞌan li naramoc lix ya̱lal chiruheb.

San Lucas 8:14 ပူးပေါင်းရင်းမြစ်များ

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

San Marcos 4:19

ab'an li k'oxlak chirix li k'a'aq re ru wank sa' ruuchich'och', li nab'alaq'ink wi' li b'ihomal ut li ratawankil li k'a'aq chik re ru na'ok sa' xch'ooleb', naxnat' li Aatin ut ink'a' chik na'uuchink xb'aan.

San Mateo 13:22

Li ki'awmank sa' li k'ix ru a'an li narab'i li Aatin, ab'an li k'oxlak chirix li k'a'aq re ru wank sa' ruuchich'och' ut li nab'alaq'ink wi' li b'ihomal naxnat' li Aatin, ut ink'a' chik na'uuchink xb'aan.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

San Lucas 8:7

Wan ajwi' iyaj kinaqk sa' xyanqeb' li k'ix: jun moqik rochb'eeneb' a'an, ut kinat'e'k xb'aan.

2 Timoteo 4:10

laj Demas xinxkanab' xb'aan xrahinkil ru li ruuchich'och' a'in ut xkoho Tesalónika. Laj Crescente xkoho Galacia; laj Tito xkoho Dalmacia.

San Juan 15:6

Ani ink'a' nakanaak wik'in taa'isiiq jo' li ruq' che', ut taachaqiq. Ut te'xxok, te'xkut sa' xam ut taak'atmanq.

San Lucas 16:13

“Maajun moosej naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin”.

San Lucas 8:13

Li ke'naqk sa' pek ru a'aneb' li neke'rab'i li Aatin ut neke'xk'ul chi saheb' sa' xch'ool, ab'an maak'a'eb' xxe' rik'ineb': jun k'amok ajwi' neke'xpaab' ut, naq nachalk li aaleek, neke'ch'inank xch'ool.

San Lucas 8:15

Li kit'ane'k sa' chaab'il ch'och' a'aneb' li neke'ab'ink re li Aatin ut neke'xk'uula sa' chaab'ilal ut chi anchaleb' xch'ool, ut neke'uuchink xb'aan naq junelik neke'xkuy xk'anjelankil ru.

Hebreos 6:1

Jo'kan utan, qakanab'aq xk'oxlankil li xb'een tzolok chirix li Kriist, ut q'axonqo chi xk'oxlankil li tz'aqal re ru. Miqak'e chik li rub'elankil li qapaab'aal, a' li yot'b'ach'oolej jalb'ak'a'uxl chirix li kamenaqil k'anjel jo'wi' chirix li xpaab'ankil li Yos;