San Lucas 7:25 - Q'eqchi Bible

²⁵ K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il ut li sa wankeb', sa' rochocheb' li awab'ej wankeb'.

Li Santil hu

²⁵ ¿Cꞌaꞌru queril chak? ¿Ma junak cui̱nk cha̱bil xtikibanquil queril chak? Li cha̱bileb rakꞌ ut li cuanqueb saꞌ sahil chꞌo̱lej, eb aꞌan saꞌ rochoch eb li rey cuanqueb.

San Lucas 7:25 ပူးပေါင်းရင်းမြစ်များ

San Mateo 6:29

A'ut laa'in ninye eere naq chi moko laj Salomón sa' chixjunil li xnimal xloq'al kixtiqib' rib' kama' junaq reheb' a'an.

San Mateo 3:4

Li raq' laj Jwan yiib'anb'il rik'in rix kameey, jun tz'uum-k'aam naxb'ak' wi' li xsa'; aj saak' naxtzeka rik'in xya'al saqk'aw.

Isaías 59:17

Xk'e li tiikil ch'oolej cho'q koleb' ch'iich', ut li kolb'a ib' cho'q xpunit ch'iich'; xtiqib' rib' rik'in li eeqajunk jo' junaq xjut-aq', ut xk'e li xjosq'il chirix jo' xb'aatal.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Ester 5:1

Oxib' kutan chik chirix a'an, lix Ester kixtiqib' wi' chik rib' rik'in raq'ul li xwankilal. Koxnume'q sa' chixjunileb' li okeb'aal, toj reetal kiwulak wan wi' li awab'ej. K'ojk'o li awab'ej sa' li xk'ojarib'aal

Ester 4:2

kiwulak toj chire rokeb'aal li rochoch li awab'ej, xb'aan naq maajun naru chi ok sa' li ochoch a'an wi tiqtooq rik'in q'es ruhil t'ikr.

Ester 1:11

Ut kixye reheb' naq te'xk'am chaq lix Vasti, li xna'eb' li tenamit, re taawanq chiru li awab'ej chi wank xkoroon sa' xjolom, ut taa'ile'q xch'ina'usal xb'aaneb' chixjunil. Relik chi yaal naq k'ajo' xch'ina'usal li xna'eb' li tenamit.

Ester 1:3

Ak oxib' chihab' rokik chi awab'ejink, laj Asuero kixk'uub' jun li ninq'e cho'q reheb' chixjunileb' laj k'anjel chiru. Kixb'oqeb' ajwi' li xjolomileb' laj puub' re Persia ut Media, eb' li ninqeb' xwankil ut li neke'jolomink re eb' li junq teep chi tenamit.

2 Reyes 1:8

Ke'xsume: “Jun li winq tiqto rik'in rixixul ut wank xk'aamal xsa', rix ajwi' xul”. Kixye li awab'ej: “A'an laj Elías aj Tisbé”, chan.

1 Reyes 10:5

li xq'emal tzekemq naxtzeka, li rochocheb' laj k'anjel chiru, li xtiqib'ankileb' laj jolominel ut chanru neke'k'anjelak, eb' li neke'k'ehok ruk'a' ut eb' li k'atb'il mayej nayeechi'imank sa' rochoch li Qaawa', q'axal kisachk xch'ool chi rilb'aleb'

2 Samuel 19:35

Kaak'aal chihab' wank we ut laamoos ink'a' chik nareek'a xsahil li k'aru naxtzeka ut naruk', k'aru wank xsahil ut k'aru ink'a'. Chi moko saqenk ta chik nawab'i li xyaab' xkuxeb' li winq ut li ixq aj b'ichaneleb'. K'a'ut naq tink'e iiq sa' aab'een laa'at li awab'ej, aj eechal we?

San Mateo 11:8

K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il, sa' rochocheb' li awab'ej wankeb'.

San Lucas 7:24

Naq ak xkoheb' chik li xtaql laj Jwan, ki'ok li Jesus chi raatinankileb' li tenamit chirix laj Jwan: “K'aru koxeeril chaq sa' li chaqich'och'? Ma jun li kaxlan'aj na'eek'asiik xb'aan li iq'?

San Lucas 7:26

K'aru kex'elk chi rilb'al? Ma junaq propeet? Yaal naq jo'kan; ut ninye eere naq a'an naxq'ax chik ru propeet.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.