San Lucas 7:24 - Q'eqchi Bible

²⁴ Naq ak xkoheb' chik li xtaql laj Jwan, ki'ok li Jesus chi raatinankileb' li tenamit chirix laj Jwan: “K'aru koxeeril chaq sa' li chaqich'och'? Ma jun li kaxlan'aj na'eek'asiik xb'aan li iq'?

Li Santil hu

²⁴ Ut nak queꞌel lix takl laj Juan riqꞌuin, li Jesús qui-oc chi a̱tinac riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru queril chak saꞌ li chaki chꞌochꞌ nak co̱ex chirilbal laj Juan? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ queril chak?

San Lucas 7:24 ပူးပေါင်းရင်းမြစ်များ

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

San Lucas 3:2

Laj Anás ut laj Kaifás wankeb' chaq cho'q xyuwa'il aj tij. Sa'eb' li kutan a'an kichalk li Raatin li Yos rik'in laj Jwan, ralal laj Sakarías, naq wan chaq sa' li chaqich'och'.

San Lucas 1:80

Li k'uula'al yo chi k'iik ut chi kawuuk xch'ool; ut kiwank chaq sa' chaqich'och' toj kiwulak xq'ehil naq kixk'ut rib' chiruheb' laj Israel.

2 Pedro 3:17

Chi jo'kan, ex was wiitz'in raarookex inb'aan, aj'ajaq ru leek'a'uxl xb'aan naq ak xyeemank xyaalalil eere. Mare anchal teepo' eena'leb' xb'aan li k'aru neke'sachk wi' eb' li winq eet xna'leb'eb'; mare anchal tex'isiiq sa' leepaab'ahom li kaw xaqxookex wi'.

2 Pedro 2:17

A'aneb' chanchaneb' li roqha' chaqijenaqeb', chanchaneb' li choql k'amb'ileb' xb'aan li kaqsut-iq': oyb'eninb'ileb' sa' xchamal li aak'ab'.

San Juan 1:23

Kixye laj Jwan: —Laa'in li xyaab' kuxej naxjap chaq re sa' li chaqich'och': «Tiikob'resihomaq xb'e li Qaawa'», jo' kixye li propeet Isaías.

Génesis 49:4

Kama'at li ha' nakatwoqxo'k. Ab'anan moko laa'ataq ta chik li nim xwankil, xb'aan naq xat-ok sa' xch'aat laayuwa' ut xamux linwarib'aal.

San Lucas 7:23

Us xaq re li ink'a' taaluktaaq xch'ool inb'aan.

San Lucas 7:25

K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il ut li sa wankeb', sa' rochocheb' li awab'ej wankeb'.