San Lucas 7:22 - Q'eqchi Bible

²² Toja' naq kixsumeheb' ut kixye: —Ayuqex ut yehomaq re laj Jwan li xeril ut xerab'i. Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Li Santil hu

²² Ut li Jesús quixye reheb: —Ayukex ut te̱serakꞌi re laj Juan li cꞌaꞌru xeril ut li cꞌaꞌru xerabi. Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix qꞌuirtesinbileb chic; eb li tzꞌap xic nequeꞌabin chic; eb li camenak xeꞌcuaclesi̱c cuiꞌchic chi yoꞌyo ut eb li nebaꞌ yo̱queb chirabinquil resil li usilal.

San Lucas 7:22 ပူးပေါင်းရင်းမြစ်များ

San Lucas 4:18

“Li xMusiq' li Qaawa' wank sa' inb'een xb'aan naq xinxyul re xyeeb'al li Chaab'il Esilal reheb' li neb'a'. Xinxtaqla chaq chi xpuktesinkil resil li kolb'a ib' reheb' li wankeb' sa' tz'alam, chi xyeeb'al resil reheb' li mutz' naq te'iloq wi' chik, chi rach'ab'ankil li rahob'tesinb'ileb'

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

San Mateo 21:14

Wankeb' mutz' ut yeq ke'jilok chi xk'atq, sa' rochoch li Yos, ut ke'k'irtasiik xb'aan.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Lucas 7:21

Sa' li honal a'an li Jesus kixk'irtasi naab'aleb' li yaj, li wankeb' sa' rahilal ut li wankeb' maa'us aj musiq'ej rik'in; kixk'e ajwi' chi ilok naab'aleb' li mutz'.

Sofonías 3:12

Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.

Jeremías 31:8

Laa'in teb'ink'am chaq sa' li tenamit wank sa' xjayal releb'l iq', ut tinch'utub'eb' li wankatqeb' chaq sa' xmaril li ruuchich'och'. Rochb'eenaqeb' chaq eb' li mutz' jo'wi' eb' li yeq roq, eb' li ixq li wankeb' sa' yu'am ut eb' li ak xe'alank: jun nimla teep li te'sutq'iiq chaq wik'in.

Isaías 43:8

“Isihomaq chaq lintenamit: a'an mutz' aj tenamit, us ta wank xsa' ruheb', ut tz'apxikeb', us ta wank xxikeb' re ab'ink.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Salmos 146:8

ut naxte xsa' ruheb' li mutz'; li Qaawa' naxwaklesi wi' chik li xe't'ane'k, ut naxraheb' li tiikeb' xch'ool;

Li xHu LAJ JOB 29:15

Xink'ut xb'eheb' li mutz' ut xinch'iloheb' li yeq roqeb';

Hechos 8:7

Naab'aleb' eechaninb'ileb' xb'aaneb' li tz'ajn aj musiq'ej neke'xjap re chi kaw naq eb' laj tza neke'elk rik'ineb'; naab'aleb' ajwi' li sik ut yeq roqeb' ke'k'irtasiik.

San Juan 1:46

Kichaq'ok laj Natanael ut kixye: —Ma wank tab'i' b'ayaq rusilal Nazaret? Laj Felipe kixye re: —Kim ut toxaawil.

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Lucas 7:23

Us xaq re li ink'a' taaluktaaq xch'ool inb'aan.