San Lucas 7:19 - Q'eqchi Bible

¹⁹ ut kixtaqlaheb' rik'in li Qaawa' chi xyeeb'al re: “Ma laa'at li tento taak'ulunq, malaj taaqoyb'eni jalan chik?”.

Li Santil hu

¹⁹ —¿Ma la̱at laj Colonel li yechiꞌinbil li yo̱co chiroybeninquil? ¿Malaj toj takoybeni junak chic?—

San Lucas 7:19 ပူးပေါင်းရင်းမြစ်များ

San Juan 4:25

Kixye li ixq re: —Ninnaw naq tol'elq li Mesiiy, a' li Kriist neke'xye re; ut naq taachalq a'an, tixk'ut chiqu chixjunil.

San Lucas 10:1

Chirix chik a'in li Qaawa' kixxaqab'eb' kab'laju xkaak'aal chik ut kixtaqlaheb' sa' ka'kab'il chi uub'ej, sa' chixjunileb' li tenamit ut na'ajej b'arwi' taaxik.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Hageo 2:7

ut tweek'asi xch'ooleb' chixjunil li tenamit. Toja' naq chixjunileb' a'an te'xk'amatq chaq li xb'ihomaleb' ut taanujaq li ochoch a'in rik'in linloq'al, chan li Nimajwal Yos.

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 22:18

Sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' ruuchich'och', xb'aan naq xapaab' li waatin»”.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

San Marcos 6:7

Toja' naq kixb'oqeb' li Kab'laju, kixtikib' xtaqlankileb' sa' ka'kab'il ut kixk'eheb' xwankil sa' xb'eeneb' li tz'ajn aj musiq'ej.

San Lucas 7:13

Naq li Qaawa' kiril li ixq, kixtoq'ob'a ru ut kixye re: —Matyaab'ak.

San Lucas 7:20

Naq ke'wulak eb' li winq rik'in li Jesus, ke'xye re: —Laj Jwan aj kub'sihomha' xooxtaqla chaq aawik'in chi xyeeb'al: «Ma laa'at li tento taak'ulunq, malaj taaqoyb'eni jalan chik?».

San Lucas 11:1

Sa' jun li kutan yo chaq chi tijok li Jesus sa' jun li na'ajej; ut naq kiraqe'k chaq, jun reheb' li xtzolom kixye re: —Qaawa', tzolo chi tijok jo' naq laj Jwan kixtzoleb' li xtzolom.

San Lucas 11:39

Ut li Qaawa' kixye re: —Laa'ex aj pariseey nekech'aj rix li sek' ut li pulaat, a'ut sa' leesa' nujenaqex chi elq' ut maa'usilal!

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

San Lucas 13:15

Kichaq'ok li Qaawa' ut kixye: —Ex aj ka'pak'al u! Ma ink'a' tab'i' chejunilex nekehit leeb'ooyx malaj leeb'uur sa' li xwa'leb'aaleb' sa' sábado, re xk'amb'aleb' chi uk'ak?

San Lucas 17:5

Ke'xye eb' li apóstol re li Qaawa': —K'e xtz'aqob' li qapaab'aal.

San Lucas 17:6

Ut li Qaawa' kixye: —Wi ta li xnimal leepaab'aal a'an jo' jun t'orol chi mostaas, teeye raj re li sikomoor a'in: «Mich' aawib' ut xe'eni aawib' sa' palaw», ut a'an texpaab' raj.

San Lucas 18:6

Ut kixye li Qaawa': “Chek'e reetal li k'aru naxye laj raqol aatin ink'a' tiik xch'ool.

San Lucas 19:8

Toja' naq laj Zakeo kixaqliik ut kixye re li Qaawa': —Chakuy inmaak, at Qaawa'. Tink'e li xyiijachil linjunkab'lal reheb' li neb'a', ut wi wank junaq xwelq'a k'aru re, kaahib' wa chik xk'ihal a'an naq tinq'ajsi re.

San Lucas 22:61

Li Qaawa' kixsutq'isi rib', kixka'ya laj Pedro, ut a'an kinaqk sa' xch'ool li kiyehe'k re xb'aan li Qaawa': “Toj maji'aq taayaab'aq hoon li tzo' kaxlan, akaq ox sut xaye naq ink'a' nakanaw wu”.

San Lucas 24:34

yookeb' chi xyeeb'al: —Relik chi yaal naq xwakliik chi yo'yo li Qaawa' ut xk'ut rib' chiru laj Simón!

San Juan 4:1

Eb' laj Pariseey ke'rab'i resil naq li Jesus q'axal naab'aleb' naxq'unb'esiheb' xch'ool chi ok cho'q xtzolom ut naxkub'siheb' xha', q'axal naab'aleb' chik chiruheb' li yookeb' chi taaqenk re laj Jwan

San Juan 6:23

Ab'anan wankeb' kok' jukub' ke'elk chaq Tiberias, ke'wulak nach' rik'in li na'ajej b'arwi' ke'wa'ak.

San Juan 11:2

Lix María a'an li kiyuluk re li Qaawa' rik'in sununkil b'an ut kixmes li roq rik'in rismal xjolom; ut li ras a'an yaj, aj Lázaro xk'ab'a'.