San Lucas 6:38 - Q'eqchi Bible

³⁸ Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

Li Santil hu

³⁸ Chesi cꞌaꞌru re le̱ ras e̱ri̱tzꞌin ut li Dios tixqꞌue re̱kaj e̱re. Tixqꞌue re̱kaj e̱re chi nabal chiru li xeqꞌue la̱ex. Tixqꞌue chi nujenak li bisleb, chi yo̱k chi pajecꞌ xban nak kꞌaxal cuiꞌchic nabal li tixqꞌue e̱re. Riqꞌuin li bisleb li texbisok cuiꞌ la̱ex, aꞌan ajcuiꞌ li ta̱bisekꞌ cuiꞌ li ta̱qꞌuehekꞌ e̱re, chan.

San Lucas 6:38 ပူးပေါင်းရင်းမြစ်များ

Deuteronomio 15:10

Tento taak'e k'aru re chi ink'a' taaraho'q aach'ool, xb'aan naq rik'in xb'aanunkil a'an tatrosob'tesi li Qaawa' laaYos sa' chixjunil li k'anjel taab'aanu.

San Marcos 4:24

Kixye ajwi' reheb': “K'ehomaq reetal li yookex chi rab'inkil. Rik'in li b'isleb' nekexb'isok wi', texb'ise'q ajwi' laa'ex, ut taak'eemanq chik xtz'aqob'.

San Mateo 7:2

Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Proverbios 22:9

Osob'tesinb'ilaq li na'uxtaanank u, xb'aan naq naxwotz li xtzekemq rik'ineb' li neb'a'.

Proverbios 19:17

Li naruxtaana ru li neb'a', chanchan ajwi' re li Yos yo chi xb'aanunkil, ut li Qaawa' taak'ehoq reeqaj re.

Proverbios 10:22

Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

San Mateo 10:42

Ani taak'ehoq jun sek'aq chi kela' re junaq li kok'eb' a'in xb'aan naq intzolom, relik chi yaal ninye eere naq ink'a' taakanaaq chi maak'a' ta xq'ajkamunkil”.

San Lucas 6:30

Yalaq ani tixtz'aama k'a' re ru aawe, chak'ehaq re, ut wi ani tixchap li k'aru aawe, maapatz' chik.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Li xHu LAJ JOB 42:11

Toja' naq chixjunileb' li ras riitz'in, rochb'eeneb' li xkomon ut eb' li ramiiw li ke'wank junxil, ke'wulak chi rilb'al laj Job ut ke'ninq'ehik sa' li rochoch. Ke'ril xtoq'ob'aal ru ut ke'xk'ojob' xch'ool chirix li rahilal kik'ehe'k chi xk'ul xb'aan li Qaawa'. Chixjunqaleb' ke'xsi junjunq xtumin plaat ut junjunq xmatq'ab' oor.

Salmos 79:12

Q'axal xate'xhob' li tenamit li nach' wankeb': chak'e reeqaj a'an, at Qaawa', wuqub' sut ta chik che'xkul reeqajunkil!

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Ester 7:10

Ut ke'xt'uyub' laj Amán sa' li t'uyleb'aal kixyiib' re raj xkamsinkil laj Mardokeo. Chi jo'kan kich'anaak xjosq'il li awab'ej.

Jeremías 32:18

Laa'at nakawuxtaana ruheb' li k'iila o'q'ob' chi poyanam, ab'anan nakarahob'tesiheb' ajwi' eb' li winq xb'aan li xmaakeb' li xna' xyuwa'eb'. At Nimajwal Yos li rajawal kaw aawib'; laak'ab'a' laa'at a'an Nimajwal Yos!

Éxodo 21:24

Isinb'ilaq xsa' ru li x'isink xsa' aawu; isinb'ilaq ruuch re li x'isink ruuch aawe; yok'b'ilaq ruq' li xyok'ok aawuq' ut yok'b'ilaq roq li xyok'ok aawoq.

2 Samuel 19:36

Ka'ajwi' twaj aawochb'eeninkil b'ayaq chik junpak'al li nima'. Jo'kan naq moko ink'ulub' ta naq tinaaq'ajkamu chi kama' a'an.