San Lucas 6:23 - Q'eqchi Bible

²³ Chexsaho'q, chiwanq xnimal xsahil eech'ool sa' li kutan a'an, xb'aan naq leeq'ajkamunkil nimaq sa' choxa: jo'kan ajwi' ke'xb'aanu li xna' xyuwa'eb' reheb' li propeet.

Li Santil hu

²³ Chisahokꞌ saꞌ e̱chꞌo̱l nak teꞌxba̱nu e̱re chi joꞌcan. Chicꞌojla̱k e̱chꞌo̱l xban nak cuan jun le̱ kꞌajca̱munquil riqꞌuin li Dios saꞌ choxa. Joꞌcan ajcuiꞌ nak queꞌxtzꞌekta̱na eb li profeta junxil eb lix xeꞌto̱nil xyucuaꞌeb li tenamit aꞌin.

San Lucas 6:23 ပူးပေါင်းရင်းမြစ်များ

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Apocalipsis 3:12

Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

San Mateo 5:12

Chexsaho'q, chiwanq xnimla sahil eech'ool, xb'aan naq leeq'ajkamunkil nimaq sa' choxa. Jo'kan ajwi' naq ke'rahob'tesiik eb' li propeet li ke'wank chaq junxil cheru laa'ex.

Apocalipsis 2:26

Li ani taaq'axoq u, a' li tixk'e xch'ool chirixeb' linb'aanuhom chalen toj sa' roso'jik, tink'e xwankil sa' xb'eeneb' li tenamit.

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

1 Pedro 4:13

Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

Santiago 1:2

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'.

Hechos 3:8

kixaqliik, kipisk'o'k ut kixtikib' b'eek. Ki'ok sa' rochoch li Yos rochb'eeneb', yo chi b'eek, chi pisk'ok ut chi xnimankil ru li Yos.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

2 Samuel 6:16

Naq li xLoq'laj Kaax li Qaawa' ki'ok sa' xTenamit laj David, lix Mikal, xrab'in laj Saúl, yo chi ilok sa' b'entaan, ut naq kiril li awab'ej yo chi pisk'ok ut xajok chiru li Qaawa', kixtz'eqtaana sa' li xch'ool.

Hebreos 11:26

Naxk'oxla naq q'axal chik loq' li b'ihomal nachalk sa' xk'ab'a' li xnimal xrahilal li Kriist chiru chixjunil li xb'ihomal li tenamit Ejiipt, xb'aan naq kaw xch'ool chirix li xq'ajkamunkil.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

2 Timoteo 2:12

Wi wanq qakuyum, toosum'awab'ejinq ajwi' qochb'een A'an. Wi taaqatz'eqtaana, tooxtz'eqtaana ajwi' A'an.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

Hechos 14:10

ut kixye re chi kaw xyaab' xkux: —Xaqab' aawib' chi tiik sa' xb'eeneb' laawoq. Ut a'an ak taapisk'oq, ut ki'ok chi b'eek.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

San Lucas 1:44

Xb'aan naq, ka'ajwi' xwab'i li xsahil inch'ool xak'e, li k'uula'al x'eek'ank wik'in xb'aan xsahojik li xch'ool.

San Lucas 1:41

Ka'ajwi' kirab'i lix Isabel li xsahil xch'ool kik'ehe'k xb'aan lix María, li k'uula'al ki'eek'ank rik'in li xna'. Kinujak lix Isabel chi Santil Musiq'ej

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Isaías 35:6

Li yeq roq taapisk'oq jo' li yuk, ut eb' li mem te'xjap chik re xb'aan xsahil xch'ooleb'. Sa' li chaqich'och' taayo'laaq li yu'amha' ut k'ajo' li ha' taawulk'uq sa' li joxk' na'ajej.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

2 Reyes 6:31

Tikto kixye: “Chinxrahob'tesiiq li Qaawa' chi q'axal ra, wi chiru li kutan a'in toj wanq sa' xna'aj li xjolom laj Eliseo, li ralal laj Safat”.

1 Reyes 22:27

Ut taaye reheb': «Jo'ka'in xye chaq li awab'ej: Tz'apomaq sa' tz'alam li winq a'in ut kach'in ajwi' xwa ut xha' teek'e, toj reetal tinsutq'iiq chaq chi sa sa' inch'ool»”.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

1 Reyes 19:14

Kichaq'ok ut kixye: “K'ajo' naq naxamnak linch'ool rik'in aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet. Ka'ajin aj chik xinkanaak ut te'raj ajwi' inkamsinkil”.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

1 Reyes 19:2

Toja' naq lix Jesabel kixtaqla xyeeb'al re: “Chine'xkamsihaq eb' li yos, wi wulaj sa' ajwi' li honal a'in ink'a' tatinkamsi jo' naq xakamsiheb' li xpropeet laj Bahal”.

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

Salmos 58:11

K'ajo' naq taasaho'q li tiik xch'ool chi rilb'al li eeqajunk, naq tixch'aj li roq sa' xkik'el li ink'a' us xna'leb'!

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.